يدك لامدت وفا لاتحرا وش تجيب كان جاتك سالمه حب يدك وخشها

كان بيت الأسبوع الماضي من طرح الأخ منصور شليويح العنزي حول بيت للشاعر سعد بن جدلان ويأمل مجاراته من الشعراء والبيت يقول:
يدك لامدت وفا لاتحرا وش تجيب
كان جاتك سالمه حب يدك وخشها
وكان الصدى من الشعراء:
السلامه مطلب وانتبه خلفك حريب
وان جدع عليك كلمة تغثك مشها
محمد بن عبدالعزيز الخنيفر - أشيقر
الوفاء درب النقا من مشى به ما يخيب
والأوادم تعرف الشهم واللي غشها
فلاح العايد - حفرالباطن
تَصْدِقِ الهقوه بِوَاحِد وِفِي ألفٍ تخيب
اقنع بْواقع حياتك تعَلّا عرشها
ناصر جمعان آل عوض / وادي الدواسر
كان مديت الوفا والله انك ماتخيب
مد يدك مع الوفا والمشاعر عشّها
مشعل بن صنت العصيمي/الخرج
واحذر الواشي تحوشه بعيدا أو قريب
طف ناره في مياهك وعجل رشها
علي الرشيد - رياض الخبراء
كم بذلنا الطيب وظنوننا فيهم تخيب
تاكل المعروف والسر عجل تفشها
حمد عبدالله الوايلي - حوطة سدير
من بذل معروف بالناس والله مايخيب
وان عطيت لوجه ربك يجيلك رشها
خليف فهيد الحربي - الرياض
الكريم اليا عطا وافي ماهو غريب
والبعض منهم به نفوس شفنا حشها
ريان بن محمد الخنيفر - أشيقر
بيت الأسبوع
كتبه معد الزاوية:
من عهد عبدالعزيز لحكم سلماني
والمملكة ثابت للقدس موقفها
نستقبل صدى هذا البيت ببيت واحد فقط يدور حول هذا الموضوع وخلال أربعة أيام من نشر البيت
ويفضل الإرسال عبر الإيميل:
rb-khozama@alriyadh.com
ونرحب بطرح بيت الأسبوع.