أنا على ممشاه سقت الخطاوي

ابوي علمني بمشية خطاويه
وانا على ممشاه سقت الخطاوي
قسوة زمانه .. ماتغيّر مباديه
ورمح القدر ماصار فالقلب ياوي
في مجلسه سجلت انا من معانيه
يالله عساها ماتضيع الهقاوي
وانا على الهقوه واعرف المشاريه
بنت الرجال وماتخيب الرجاوي
غدر الزمن يابوي بانت مواريه
والحرف يجرفني بسيل ٍ نحاوي
وجرح الخوي علمتني كيف أداويه
لا جاتني طعنه بكف المداوي
وقلت الخوي ياصمت بالروح نفديه
ومن ضيّع الخوه مع الوقت غاوي
ذا رزقك الله بشخصً تخاويه
ابصم على قلبه وخلك مخاوي
مافرق الاحباب غير كثرة اللّيه
اللي سرح بالهم يلفيك ضاوي
شخصً اذا تذكره حزة عزاويه
يجيك يا طيبه وكله عزاوي
يعز من عزك ويقهر معاديه
حطه على يمناك حرً نداوي
وشخصً يدس الوجه بسود بلاويه
مايشبه الا لابسات الغطاوي
يدّلك بهرجه وسمعة حكاويه
وبااعراض خلق الله يقص الحكاوي
هذا الكلام اللي تقدي خطاويه
وأنا على ممشاه سقت الخطاوي
هلا العنزي