كان بيت الأسبوع لمعد زاوية «بيت وصدى» عادي بن رجا بن رمال الشمري حول اليوم الوطني السادس والثمانين للمملكة العربية السعودية ويقول البيت: عاد عيدك ياوطنا على خير وسلام عامنا ست وثمانين والقادم جميل وكان صدى البيت: يامنار الخير مجدك علا فوق الغمام عزك الله يا وطن بالقايد الفذ الأصيل جهبذ الأمة نصير الوطن يوم العسام فزعة المضيوم بعدالله الحي الجليل كل ذرة من ترابك بدمي والعظام وافتخروا عتزبك دايما والله وكيل والله إني حيل مغليك يا مهد السلام يعلم اللي شرفك فوق بالبيت النبيل علي الزولاني الفيفي - بيشة عاد يومك ياوطنا سعادة كل عام عاد يومك وأنت للمجد نبراس ودليل عاد يومك وأنت ينبوع خيرات وسلام عاد يومك بالأمل للضّعيِّف والدّخِيل عاد يومك موطن الطهر والبيت الحرام عاد يومك نهضةٍ تستهين المستحيل عاد والدعوات منا لبوتركي الإمام لو يمر الوقت يبقى لبو تركي الجميل عاد يومك ياوطنا بتحقيق المرام عاد يومك رِفْعَةٍ مالها نِدّ ومثيل عاد يومك بالرخا ورفعةٍ لأسمى مقام عاد يومك ياوطن في ذرى الفذ الأصيل قايد الظفرات فعله براهين الكلام ياعسى سلمان يبقى لنا دهرٍ طويل ناصر بن جمعان آل عوض - وادي الدواسر عهدنا الزاهر تطور على احسنْ مايرام الملك سلمان هَوّن علينا المستحيل بالحزم والعزم سج المطايا للأمام يفهق الصعبه وياطا عليها بالثقيل قاد رؤيا المملكه بالفكر والاهتمام عام عشرين، وثلاثين تنمو بالدليل مملكتنا بالأمن عايشه والخير دام رفرفت أعلامها خضر والحاسد ذليل مشعل بن صنت العصيمي - الخرج والحكومه كل عام تقدم للأمام عز الله بالامان ومعاديها ذليل شعبنا في كل حال بزود الاحترام للوطن يوم عزيز نشوفه بالدليل الوطن حبه لزوم مهو بس الكلام السعودي ما يتوانى كثير وبالقليل كل عام في وطنا نشوف من الحشام والتخاذل ما يجينا هذا امر مستحيل علي الرشيد- رياض الخبراء عاد عيدك يا وطنا على خير وسلام عامنا ست وثمانين والقادم جميل التطور والهنا في بلدنا كل عام نحمد المعبود لأهل الوطن مده جزيل والقيادة أولت الشعب كل الاهتمام والبذل من عاهل الدار والواقع دليل بالمكارم والعطاء والمشاريع الجسام الملك سلمان يالله عسى عمره طويل دام عزك يا وطنا وفيك الخير دام وجعل من عاداك يا موطن العزه ذليل ناصر بن عبدالله العاصم - الرياض بفضل أخو نورة بناها وللطاغي يكيل أسسه صقر الجزيرة مع رجال كرام قادها للنصر وشوفوا الوطن ما له مثيل خلف رجال لهم فضل وقدر واحترام ساروا بدربه على العز لهم شكر جزيل كل مخلص للوطن له مكان واهتمام وكل خاين عندنا يبتدي بيوم الرحيل محمد عبدالعزيز الخنيفر - أشيقر دارنا هي فخرنا كم لها عز ومقام جهود أبو تركي وذكرى مع الرجل الأصيل مع رجاله ما ذخروا واودعوا الخاين عدام الصقر معروف وأنهوا جميع اللي يعيل دارنا معروفة دايم عز وسلام ومن سعى للشر بأرض الوطن عنها يزيل وكل مخطي بدارنا يبشر بحد الحسام بالوطن ما له مكان وثم عنها نشيل ريان محمد الخنيفر - أشيقر انبثق نور الحكم من دياجير الظلام من قصر لازال يروي البدايه والرحيل مصمكٍ عليه منا تحيه وسلام سجل التاريخْ فيه ملحمه ومجدٍ أثيل يوم ثلاثه وعشرينَ سبتمبر كل عام كل مواطن يفرح بمولد اليوم الجميل كل عام عيدنا أنت وعيدك بانتظام من زمان الفتح يهناك جيل بعد جيل عبداللطيف الحُمَيَّانِي - عنيزة ياوطنا دام عزك بالسعد والاحترام ثابت حبك مثل غرس النخيل شاربينه من على عهد الامام يوم وحدهاعلى المهرات خيل وصل الي طامعن فينا كلام مانهاب الموت مافينا ذليل حنا هل التوحيد والبيت الحرام محتمين الدين دونه مانميل حمد عبدالله الوايلي - حوطة سدير بيت الأسبوع كتبه للزاوية الشاعر رجا بن رمال من الرياض ويقول: عامٍ جديد وكلنا مستعدين والعلم نور وطالب العلم مشكور
