بلسان واحد شعب شبه الجزيره ** لك يا بومتعب بايعوا سر وجهار

بيت وصدى

الأسبوع الماضي كان بيت الأسبوع حول بيعة خادم الحرمين الشريفين الملك عبدالله بن عبدالعزيز آل سعود حفظه الله والبيت يقول:
بلسان واحد شعب شبه الجزيره
لك يا بومتعب بايعوا سر وجهار
وقد انهالت مشاعر الشعراء مباركة لخادم الحرمين الشريفين ومبايعة له أيده الله:
يا خادم البيتين مهد البريره
منا الولاء والسمع شياب وصغار
على النقا وافين جهر وسريره
نرسي كما يرسي العلم فوق الاقطار
حنا سيوف الحق وأنت المغيره
آمر ونقمع خاين العهد والدار
علي جابر آل زولان الفيفي - بيشة
ياسيدي منا مهيب الكثيره
رهن الاشاره قلت لو صار ما صار
حنا عمى لهل القلوب الضريره
حنا حماة الدين والبيت والدار
ترى السعودي ما يطيعه ضميره
ترى السعودي للوفاء رمز وشعار
سعد صنهات السهلي - الدرعية
سادس سنه وانته تقود المسيره
وتزرع ورود الحب في تربة الدار
حتى غدت بين الأمم خير ديره
نفخر بها يا سيدي بين الأقطار
بالقايد اللي عم شعبه بخيره
من فيض جودك أصبح الفقر تذكار
مبروك بن سالم بن ماضي - الرياض
وانته يا بومتعب نقي السريره
واضح وضوح الشمس ما عندك أسرار
أغنيت لك ناس من أول فقيره
حتى تخطى السحب ستين مليار
الفقر عود منك عينه كسيره
بينة وبين الشعب بسبابك أسوار
سعد مويزر مشعان البدراني - الرس
خيرك على ما قيل في كل ديره
وهذا دليل أنك محنك ومغوار
الله يديمك يا نظيف السريره
وتبقى ذرى عن كل خاين وغدار
هذي الحقيقة ما نبي اليوم غيره
والله ما نلقى مثيلك بالأقطار
عبدالعزيز سليمان الواصل - عنيزة
مظاهر التأييد في كل ديره
بيعة غلا وصابها كبار لصغار
الله أمرنا بقول مافيه غيره
طاعته ثم المصطفى وحاكم الدار
ودام الوطن في عز ويدوم خيره
ورب السما يحميه من كيد الأشرار
فهد بن عقيل الطويان - بريدة
الك الوفا والعهد في كل ديره
يا خادم البيتين يالقائد البار
فيض المشاعر عند شعبك غزيره
حب وغلا ف قلوبها كبار وصغار
أحلى من المزنه وصافي غديره
للغالي المحبوب من نسل الاخيار
مقرن بن متعب الهرف - الرياض
عم الرخاء والخير في كل ديره
بيعة ملك تراها ذكرى وتذكار
ست سمان ماشية بالمسيره
في ظل أبو متعب وحامي حمى الدار
ياهل الوطن يا هل البلد والعشيره
حكامنا حكام وافين الاشبار
عبدالمحسن بن محمد المحيسن - رياض الخبراء
وعم الرخا والأمن في كل ديره
حتى شمل من هم بعيد(ن) وحضار
يالله تبارك بالوجيه السفيرة
أعيال أخو نوره طويلين الأشبار
اللي بهم يا صاح نخوه وغيره
أهل الكرم والطيب في كل مشوار
طلال بن غارم فرحان آل فرحان - الرياض
إنبايعه بالعهد في كل ديره
ويقولها شعبه من كبار وصغار
اللي عموم المملكة شاف خيره
ذكرى الولاء في ظل من يحكم الدار
يسلم ملكنا قايدن في المسيره
جعلك يا بومتعب من طوال الأعمار
بخيتات شملان الحبابي القحطاني - محافظة القويعية
نعم المليك الفذ رجل المسيره
الكل بايغ له من صغار وكبار
غالي علينا جعل ربي يجيره
ويحفظه من بنو العدا وكيد الأشرار
يا من على شعبه سعى بالبريره
الكل يدعي له في وقت الاسحار
محمد بن عبدالعزيز الخنيفر - أشيقر
سلام تسليم(ن) لصقر الجزيره
فيه الولاء له والوفاء حامي الدار
ونجدد البيعة وفي كل ديره
عم الفرح شيّب وشبان وصغار
مرت سنين ست لو هي قصيره
شفنا بها خير كثير ومدرار
علي بن معاضة - الرياض
يا خادم البيتين صاف السريره
فيما لكم من حب يزخرن الافكار
الشعب بايعكم كبير أو صغيره
وست(ن) مضت بقلوبنا فك وازهار
ابتل وحنا خلفكم بالمسيره
وندعي لكم وعضودكم طول الأعمار
سعود عائش التميمي الحربي - القاهرة
نجدد ابيعة لك بكل ديرة
نعلن ولانا كلنا إصغار وكبار
له منزل(ن) بالقلب ما فيه غيره
يشهد علي اللي عليم(ن) بالأسرار
الشعب له مخلص وصافي السريره
حب المليك لدمنا في كل الأعمار
عبدالمحسن بن محمد الجريسي - الرياض
والفرحة عمت والسعادة كبيره
قدت المسيره تسعد الكل بالدار
عنيك على شعبك ليالي سهيره
يالله عسى عمرك مديد(ن) بالأعمار
حنا جنودك واحتزم بالذخيره
والله وحده ربنا المانع الضار
عبدالكريم إبراهيم بن خريم
دام البقا في ظل قايد مسيرة
مرت أعوام ست والخير مدرار
وعم الفرح في كل وادي وديرة
ذكرى تعطر يا وسيعين الابصار
الله يطول عمر حامي الجزيرة
ويبقيه ذخر من مواكير الاحرار
حمد بن عبدالله الوايلي - حوطة سدير
وأقولها بلسان كل العشيرة
تسلم لنا يا مكرم الضيف والجار
أنت الأمل وأنت الرجاء والذخيرة
لك حبنا جميعنا كبار وصغار
المملكة صارت بخير وخيرة
في عهدكم ما مثلها بكل الأقطار
زبن مقبل العنزي - بريدة
يا باني الأمجاد بفكر وبصيره
يا خادم البيتين يالوالد البار
خففت عن شعبك دروب عسيره
وزرعت درب الخير في كل الأقطار
يالله يالمقبود علم السريره
تحفظ أبو متعب عن كل غدار
ريان محمد الخنيفر - الرياض
الخير عم في كل مدينه وديره
والطيب في كل بيت ودار
أبو متعب ملكنا شهم طيب السريره
والشعب يدعي له ليل ونهار
سلمان عبدالعزيز المعليلي - الرياض
بيت الأسبوع
كتبه الأخ صنهات السهلي حول موضوع تلبية الدعوة أو الاعتذار والبيت يقول:
واجب عليك إلى عزمتك تجيني
وإلا على ما قيل تبدي لي اعذار
نستقبل صدى البيت بثلاثة أبيات فقط على الفاكس 4871070 أو الإيميل
rb-khozama@alriyadh.com