كان بيت الاسبوع من اقتراح الأخ عبدالله بن زبن الأسلمي من حفر الباطن للشاعر خلف بن هذال العتيبي وبيته الذي يقول: ياوطنا ياوطنا عمت عين الحسود ماتهزك لا زوابع ولا غدر عملا الرجال أهل الوفاء للوطن صاروا جنود من تعرض للوطن يجرع أنواع البلا الشريعة نهجنا بالصدور وبالورود لا نحيد بدربنا كل شيء مكمّلا صامدين للعداء نحتمي كل الحدود من بغانا بالغدر لازم أمره يفشلا ربنا يحفظ لنا قادة مثل الاسود دايماً في صفهم حافظين للولا علي الرشيد - رياض الخبرا ياوطنا ماتضدك منقضت العهود والله إنا للعدا من مقابيس البلا جيشنا والشعب صامد ولا فيهم شرود كلهم وقت الشجاعه رجال ٍ وزملا والحدود مسيّجه بالمدافع والجنود والسماء فيه الصقورتصّفق طيورالخلا والأمن سايد وناطا على راس الجحود ما يفرق صفنا من يجَند لعملا مشعل بن صنت العصيمي - الخرج ياوطنا ياوطنا وحنا لك جنود محتمينك دايم من بلاء غدر اعملا من نوانا بشر له ملح بارود ورعود طيحة مايقوم منها ابد مستقبلا الوطن هو الوطن ماعنه والله صدود قلتها واقولها دايم قدم الملا مانهاب الموت لا لا ولافينا شرود والشجاعه طبعنا ضد كل العيلا خليف فهيد الحربي - الرياض ياوطنا من تعدا المعالم والحدود ياخذ الصفعه على الوجه من كل الملا ياوطنا مانخليك حنا بالوجود محتمينك بامر رب السموات العلا ماشرينا فيك متر من الارض بالنقود ولا لفينا لك من الشرق والغرب دخلا مهبط الوحي الالهي وقولي له شهود بنينا للبيت بين جبليك اعظم غلا بدر الحزيمي ذي بلاد الدين وافهم يالنذل الحقود وجاحد المعروف يارب جعله للبلا خلفه رجال وفيه وأوفت بالوعود بأمر ابو فهد وشعبه رجال بالولا وبرهنوا ما قصروا عزنا رجال الحدود كل شي واضح بان قدام الملا يا بلاد الخير يافخرنا دار الجدود كل خاين لايهمك وذولاك جهلا محمد عبدالعزيز الخنيفر - اشيقر شامخ كالطود من عهد ياصاح الجدود ورايت التوحيد والسيف تشهد للملا نردع العايل الى عال عن حدك نذود والعدومانرحمه دام فيه من البلا من يخون الدار تأكله ياصاح الاسود ثبت العلم الاكيد ولزوم ياصلا ايه حنا اهل البطولات ورجال السدود ياعدوالله جيناك والله عجلا حمد عبدالله الوايلي - حوطة سدير ايه لك ياموطني دوم حراس جنود والفضل لله رب البشر رب الملاء نجدد البيعة لعز الوطن سقم الحسود سيدي سلمان له مننا كل الولاء ياوطنا مالك ابدا مثيل بالوجود قبلة الاسلام مكه وييت المرسلا موطني ميزان كل الوفاء راع العهود للعلا ياموطني واصلي صوب العلا منك ساس العدل والامن وتنفيذ الحدود وانت مهبط للوحي والكتاب المنزلا ندعي الله ياوطن بالركوع وبالسجود انه يكافينا شر المصايب والبلا صالحً البشري - الرياض دارنا يا عزنا فخرنا دار الجدود من مشى ضدك مسكين وصعب ياصلا كلنا لاجل الوطن ما نهاب اللي حقود ومن يخون بلادنا لازم انه يرحلا كم لنا معروف واضح والعالم شهود وبالخداع اليوم شفناه من ناس خبلا ويا جنود الحق يا فخرنا عز وجهود ما خفى معروف بين على كل الملا ريان محمد الخنيفر - اشيقر بيت الاسبوع كتبه للصفحة زاوية «بيت وصدى» الشاعر عبدالله مطير الحمدان من حايل حول موضوع إرسال الحوثيين صاروخاً على المقدسات الاسلامية ولم يتورعوا عن ذلك والبيت يقول: اللي جسر يرمي الكعبه بصاروخه عز الله انه عدو الدين والمله نستقبل صدى هذا البيت بأربعة أبيات حتى يوم الاربعاء القادم ويفضل الإرسال عبر الإيميل: [email protected]
