عيدك سعيد ونرفع أجمل تحيات

عيدك سعيد ونرفع أجمل تحيات
عاش المليك ودام للشعب عنوان
للعاهل المحبوب أسمى العبارات
حنا لبو متعب جنود لنا شان
هو قايد الاصلاح حزم وقرارات
هو عزنا هو درعنا ضد عدوان
عسى الولي يعطيه صحة وخيرات
داعين لسنة سلايل كحيلان
ونهني الحكام والشعب بالذات
تحت العدالة والرخاء ننعم الآن
نذكر محاسنهم بصحف ومجلات
هم من يشيلون الأمانة بميزان
عبدالعزيز اللي جمعها من شتات
عساه يسقي من عذيبات الاجنان
ساروا على حكم الشريعة بآيات
يمشون في سنة حديث وقرآن
وصارت مساعيهم عطايا جزيلات
من جالهم يلقى من الضيم مزبان
أميرنا سلطان جزل العطيات
اصل الكرم والطيب من صنع سلطان
امجاد ما تحصى وخير بكثرات
شادوا جزيرتنا على مر الازمان
ونهني ابطال الأمن والمهمات
دون الوطن صاروا حماة وبركان
صديقهم يلقى من العز رفعات
وعدوهم يلقى من الذل خذلان
نهض بلدنا رغم كل الصعوبات
دور المعارف والتطور وعمران
شعري نظمته والمعاني غزيرات
أقول شعري يدعمه صدق برهان
وصلوا على المرسول سيد البريات
اللي سما دينه على كل الاديان