محاورة

صياف السحيمي:
أشوف مستور العصيمي جاب حبله وجمله
وليا قضى تمر الحساء جاني يبي تمر القصيم
إن مد وحده من يديه أملا يدي وأحطله
وإن كان مد يدينه الثنتين أقول الله كريم
مستور العصيمي:
إن كان عندك تمر جيتك بالبعير وحمله
لكن لا تخلط لي التمر الجديد مع القديم
أظن صياف السحيمي ناسيا وش قلت له
وإن كان ناسي قول يا صياف.. والله العظيم
صياف السحيمي:
التمر يا مستور ما عندك سنون تاكله
أكل الضروس السوس والنيبان ما فيها سليم
ياللي تبي ترضي هذاك.. وذاك تبغى تزعله
أهون عليك اللفلفة ولا الطريق المستقيم
مستور العصيمي:
لا بدنا نلقي لنا غيرك عميل نعامله
وأنا ضروسي من حديد.. وتكسر العظم الصميم
وإن كان ما تدرون ويش الراي خلوه لهله
قد قيل بالأمثال ما نزال شدد له مقيم
صياف السحيمي:
ينفك باب الخير للطرقي وحظه يقفله
درب الصحيح يجيده العاقل ويخطيه الغشيم
اليا نقصت الكيل والمكيال قلنا كمله
حنا ترى ما عندنا فاصحابنا خشم.. وخشيم
مستور العصيمي:
بان الصحيح وكل رجال عرفنا منزله
احد حياته في شقا واحد حياته في نعيم
اللي يبي كحل العيون يلد يمي واكحله
وإلا على قول المثل ماب الغريم.. إلا الغريم