في محاورة تعد من أجمل ماقيل في القلطة .. صياف لمطلق : السحيمي يوم غنى حطكم في راس كمه

بين قطبي المحاورة الشاعران العملاقان : مطلق الثبيتي وصياف الحربي يرحمهما الله جرى ذات مساء هذه المحاورة التي يسعدنا الاحتفاء بنشرها وفاء لهما وتقديرا لرغبات متابعي هذا اللون من الشعر والمهتمين به والتي تعد من اجمل محاورات القلطة فتعالوا لمشاركتنا قراءة ماجاء فيها :
مطلق الثبيتي :
السحيمي ينفض اللحية ويطوي في معمه=طار عقله من شليويح المطيري والزلامي
البعير اللي يشيل الحمل عود يرضع أمه=بعد قالوا شامخ النيبان مردوم السنامي
صياف الحربي :
السحيمي يوم غنى حطكم في راس كمه=ثم خلاكم عجينه كن مافيكم عظامي
الجمل يمشي على الدرب وكلامك مايهمه=من هديره قمت من نومك وحرمت المنامي
مطلق :
الزمان اللي ستر حالك وحالي لاتذمه=والحرم من دونه المسعى وبيبان السلامي
أنت داب كل ماحرك شدوقه سال سمه=والله إنا مانذوق السم يالداب التهامي
صياف :
أنت ذيب تكره البارود لو إنك تشمه=ماتحب النور الأبيض ماتحب إلا الظلامي
الطعام اللي ليا شفته على صدرك تضمه=لاتقول إنه حلال ولاتقول إنه حرامي
مطلق :
علموا صياف لايتبع خفيف الظل عمه=دام أنا وياه فالمذهب وفي الطرقة ليامي
قله إنا مانبالي اللي بنا نقال نمّه=بعد عود بايعة بين القبائل مايسامي
صياف :
أنت أشوفك كل ماتسرح تضوي لك مطمه=تحسد المسلم على دينه ليا صلى وصامي
لايزعلك الكلام اللي عسى ربي يتمه=ثم بده مستريح بلا شراب ولاطعامي
مطلق :
كل شئ في طريقك يا أبيض الشارب تخمه=لين ضيعت الفشق والبندقية والحزامي
إن نثرت القش ياصياف ماتقدر تلمه=وإن قربت من العرب ميسمك جوف النار حامي
صياف :
لو يبي يتركك على باب الخزينه رحت يمه=وإن نظر لك نظره حمراء تعديت النظامي
المسافر مايطب البحر لين إنه يطمه=يذكر الله في بلد مكه ويلبس له إحرامي