فارس الأمة

يا لله اللي تكتب الحسنة وتمحي السية
ما سواك احد ٍ يسجلها ولا يمحاها
لا إله إلا أنت يا ذا الجود والجاهية
عالم ما فالصدور وكل ما يخفاها
يا عظيم الشأن وفقنا صلاح النية
أنته اللي قد عطيت نفوسنا تقواها
مؤمنين مطبقين آياتك الشرعية
ما نغير سنة الهادي نبيك طاها
في بلاد المسلمين الدولة المعنية
في شؤون المسجدين وكل ما يعناها
اطهر الابقاع فوق الكورة الأرضية
ما يدوس ترابها الملحد ولا يطاها
خصها الله بالأمان وبالأمن محمية
نصرها مضمون مهما يكثر اعداها
شمعة الإسلام والأقطار الإسلامية
مهبط الوحي الكريم وتفتخر بسماها
بالعدالة والشريعة والكرم مبنية
للقريب وللبعيد مباركٍ مسعاها
شامخة قمة وهيبة وإستراتيجية
كنها عقد الثريا مدنها وقراها
يا بلادي يا بلاد الخير يا سعودية
ما تطيح الراية الخضراء ومن علاها
يا الله احفضها من الأشرار والشرية
واحفظ القايد ولد عبد العزيز حماها
شيخنا قايد مسيرتنا زبون الهية
فارس الأمة ليا جات العلوم أقصاها
للوطن في مهجته معنى ورح حية
من صباه مجود يمناه في يمناها
كل من ينصاه عود حاجته مقضية
عند أبو متعب مدور حاجته يلقاها
يا مليك الخير والرحمة والإنسانية
طلتك طلة مطر كل النفوس حياها
قلب عبدالله ملاه الحب والحنية
والقلوب تبادله حب يفيض ملاها
ولولي العهد سلطان الكريم تحية
كافل الأيتام دكتور الجروح دواها
حاتمي ما طلع فالجيل هذا زيه
وفقه ربي وبقعا ما تجيه اخطاها
كم عمر مستشفيات وكم بنا جمعية
وكم تكفل باليدين البايسة وعطاها
مقدم الجوية والبحرية البرية
رمز قوات الوطن والواجبات أداها
والختام ازكى تحيات الولاء مثنية
واذكر الله في بداية كلمتي واتلاها