الموت حق

قصيدة رثاء في الشيخ ناصر بن محمد بن شرار رحمه الله
لا والله إلا راح منا فقيده
ابن شرار أميرنا شيخ ميمون
اشهد شهادة حق ناصر وليده
واللي بكوه من العرب ما يلامون
نبكي نعم نبكي ويبكي حفيده
واللي يعرفونه من الحزن يبكون
يا رب تكتب له حياة جديدة
آمين يا اللي وقت الاسحار تدعون
نطلب له المعبود يرفع رصيده
الموت حق وقابلينه ومسنون
فقيدنا يا الله يا ربي تزيده
ويا ابو فهد ما يكتبه ربنا يكون
الحكم حكم الله وحنا عبيده
الدائم الله والخلايق يموتون
اعزي محمد واعزي عضيده
عضيده صنيتان والقلب محزون
وأجبر عزاء فيحان وايضا البديده
وجعله من اللي بالشفاعة يفوزون
وعسى حياة عيال ناصر مديده
رجال على درب الفقيده يسيرون
تكفون يا اهل الشعر يا اهل الجريده
تفضلوا في نشرها ولا تهونون
وقفاتكم معنا تراها عديده
يا ليت عنا بالتعازي تنوبون
وصلوا على راع الصفات الحميده
عداد من طافوا بمكه يلبون
عبدالله جامع الميموني المطيري