مالقاها إلا أنت

غيابك غيّب قلوب وعذابك كنه النسمات
جروحك بلسم لغيرك وروحك ضحكة أحلى بنت
لحالك تأسر الكل وتبعثر باقي الآهات
تعيش قلوب بحضورك وتتضايق إلى استأذنت
أحد يبدأ نهاره فيك وفيك يودّعه لابات
يزين الكون في عنيه وصدره كلما بيّنت
وأحد يحرث لك الوقت العبوس ويزرعه بسمات
يهيم الياضحكت وينثني لو قلت له لا هنت
وأحد يهدي لك طعونه يبيك تزيدها طعنات
يعيش بحكمك الجاير ولوخنته.. أبد ماخنت
بعضهم طاوعه صوته وغنى لك رباعيات
يبي يصدح بآهاته الين انك تقول أحسنت
وبعضهم مايبي يغضي ولايرمش معك بالذات
عساك بهالوفاء داري.. أوانك مابعد أيقنت
وانا من بين هالعالم معك خانتني الكلمات
سكنت وصرت هيل بدلّة الشوق وعليك أدمنت
تعبت ارمي شباكي في بحور الشعر والكسرات
وأرد بمركبي خاسر ومتحيّر مثل ماكنت
وسويت السوات وما يجاري هالسوات سوات
وانا ادري إني مقصر.. ولوزيّنت مازيَّنت
حَسيبك من فتني في حلاك أغرقتني حسرات
بربك كل هذا حب.. والله مالقاها إلا انت