نموت لعز موطنا

نبض قلبي على جمر الشعور وفزت الأشعار
تفوح بقلب شاعرها وتنبض جمرة أشعاره
غيوم الشعر في فكري لها برق ورعد وأمطار
تجي فوق الوطن تسقي ثراه وتورق ازهاره
ابتنفس رضا بلادي وأصب روحي بهقاوي الدار
وأكون بطنخة أفعالي بطل عاشق ثرى دياره
نموت لعز موطنا نموت ونرخص الأعمار
نبيع أرواحنا ويحيا وطنا بهيبة احراره
وطن عالي على صدر الزمن يرقى ولا من صار
طلب جينا لهب يمحي رموز الغدر باعصاره
وطن جينا لك نخضب سيوفك من حشا الفُجَّار
ألين نطهر ترابك من الارهاب واشراره
على الارهاب ما نذخر بجهد فينا، وفينا اصرار
نجث الخبث من عرقه جثث نطوي بها امكاره
من الارهاب ما يطفي عزم فينا، وفينا اعصار
يبيد الباغي ويبتر كفوف الغدر وأوكاره
شعب حنا نجوب أرض الوطن ونفتت الأشرار
شهب حنا على منهو طغى نحرق به دياره
نصب نار الغضب ويل توقد من فحيح النار
على عميان ما شافوا طريق الحق وانواره
خوارج فعلهم اعوج، بلاهم شرذمة وصغار
تصاغر شانهم حتى تهدّم وانطفت ناره
حقد يملا دواخلهم ولا موطن لهم أو دار
خوارج والفكر أعمى نواظرهم من غباره
عسى منهو سعى يزرع دمار بواحة الأبرار
يموت بخندق سمومه، يخيب وخابت اعذاره
بلادي وان طمع فيها عدو حنا لها الأسوار
وراثة عشقها باقي مع الأجيال مقداره
من التوحيد رايتنا تفوح وتمتلي باحرار
على التاريخ مازلنا نصوغ المجد وافكاره
احبك ياوطن عمري كثر مالك نبضنا اشعار
كثر ما هو نبض قلبي وطرز فيك مشواره