ترى الشجاعه طفلنا قد رضعها

**ترى الشجاعه طفلنا قد رضعها**
تبت يدين الغدر وتب الارهاب وتبت يدين اللي بلادي قربها
يالعنبو فكرٍ عن الشر ماتاب ويالعنبو منهو من أقصى دعمها
فكرٍ عقيمٍ ماعرفناله أطباب ياكود نار الحزم نوقد حطبها
في وجه من لا يستدلون بكتاب وأحكام شرع الله ودينه سلبها
يالحوثي الغادر تراجع وصك باب قبل تشوف الموت وتدفع ثمنها
والله ماينفعك محمود وأحزاب ابليس خلى زمرته في نكده ا
حنا وحكومتنا مواليف وأحباب ناطى على غاربك ويدك نعسرها
ياديرتي ماأبعدك عن نبح الكلاب بعد المزون اللي نتمنى مطرها
وياموطني تدري ترى الحب غلاب حظ الحدود وحظ منهو حرسها
وحظ الشهيد وحظ من كان منصاب ان كان ياحوثي بتضرب جرسها
وبتعلن حروبك على أطهر تراب بتلقى براكينٍ تفجر حممها
تارد حياض الموت وتقطع رقاب ترى الشجاعه طفلنا قد رضعها
والعود فينا مايحسب لها حساب جازان عضوٍ يابشر في جسدها
وباقي الجسد يسهر ولا نومها طاب هذي تبوك الثايره في غضبها
وشتى صحاري المملكه وكل الهضاب ومن نجد للدمام وشاطي بحرها
وصارت نفود الأرض كما طلق شباب ومن الغدر جده توهج لهبها
نجران ماأوصيك على حلو الأصحاب اليا شكى صاحبك فاقدح شررها
من قاشرك يادولتي في ذمتي خاب خابت رجاويهم وربي دحرها
خالد سعود ال حاقان
الاداره العامه للأسلحه والمدخرات / الخرج