طبع ووصف

معهن تسولف وهي صوبي سوالفها
والهرج يجرحني شوي ويسعفني
تمشي خلافي وتضحك من طرايفها
والقصد كله تلفت صوبي وشفني
عذرا تكمل طبايعها وصايفها
حسن حبسني وقيدني وكتفني
اللي عرفني قبل روحي توالفها
لو شافني عقبها ما ظن يعرفني
من يوم نادت علي لبا طوايفها
الله على عزوتي والأهل يخلفني
تستاهل الشوق من صادق ولايفها
واستاهل الجرح والا وش مكلفني
ليه اتمشى مع الزحمه واصادفها
لين اصبح الحب لا يبقي ولا يفني
لكن لو الود ودي كان ينصفها
لأرقد وأغمض عليها جفني وجفني
هذي حياة الغلا وأحرج مواقفها
لا صار خلي معي والا مخالفني
وقلب الذكي لاعشق عقب الذكا يفها
مثلي وعشق مهبل بي ومخلفني
يا طرفها والسلوم إن كان تعرفها
أنا دخيلك وبه علم مخوفني
علم مخلي حياتي كيف أوصفها
لكنه يحز في نفسي ويؤسفني
عجلت دفني وروحي بالجسد شفها
وأنا احسب السالفه موتي قبل دفني