(يا علي)

من القديم المتجدد للشاعر الكبير المدهش فهد عافت قصيدته (ياعلي) والتي تعد من نوادر الشعر المعاصر إذ تشعرك عندما تعيد سماعها أو قراءتها انها وليدة اللحظة.واحتفاءً بفهد وبقصيدته الأروع (ياعلي) .. ندعوكم لمشاركتنا قراءتها إذ يقول:
يا علي لا الشعر عبدي ولا هو سيدي = صاحبي له من جنوني ولي من منطقه
مايخون الطيش والملح ياكود الردي = له علي إن ماسبقني على الطيب اسبقه
والله اني من عرفته وانا ابشر بسعدي = كل حزن يفتح ابواب حسن ن مغلقه
والله اني ما ذخرت لمعانيه جهدي = ذمني ولا مدحني من يقول سرقه
أعشق من الشعر كله عيوني ورمدي = واعشق من الكل بعضي اذا الصمت انطقه
واعشق من الليل الاظلم واشوف السرمدي = قدر قرم بيض الله وجهه بصنقه
واعشق من الصبح الاكسل نسيم وفي يدي = دفترن يهدي العصافير لحظه مورقه
واعشق من الصحبه ام البساط الاحمدي = لا تهيت واعشق من العسل طلبة ذقه
واعشق من الوقت وقتي لا ابوي ولا ولدي = واعشق من الناس كل ن على قد عرقه
يا علي والشعر عبدي وعبدي سيدي = اعمق الشعر ابسط الشعر وابسطه اعمقه
في الحنايا خيل ترمح وخيال يحدي = وفي المرايا الف بحرا يتلعثم بازرقه
يا كثر ماذكر من الناس لاصرت وحدي = من نسوني ونسوني بكذب ن ماصدقه
كلي وعدا مع الي يخونون وعدي = البناخي بعض طيب اقهره بل خلقه
لو تهيا للطريا سويا ماغدي = مزبن الذهيب ممراح خاينت الثقه
يقنب النسيان الامعط بروحي ويعدي = كل ليله في فياضي الله يرزقه
السهر ماهوب هذا السهر لا يابعدي = السهر شفني تعرفه وشفني تزهقه
كل جفن ن من جفوني غدى بيت اجودي = لا تقضب فيه عبداً من الليل اعتقه
ليت لي قدرة على الثار تكفى ياسندي = من حبيب ن طشر القلب مليون ورقه
ما رماني خطرة ن لجل يرضيني ودي = نيشن الفرقا هنيا تمركا بندقه
وانتهى مستسهل سهيل يستجدي الجدي = مابقى غير اليباس بعيون مغورقه
كم تكحل عاذلي وانعمى من مرودي = يوم قال العين بالعين ما والله وفقه
قلت والله دام قفى وظليت وحدي = لتركه في داخل القلب محداً بشنقه
يا علي كلي نهايات من وين ابتدي = يا علي كله بدايات من وين اعشقه
له عيون ولي ظلالي بها لين اهتدي = ولي عيون وله عليها البكى لين اغرقه