قلبك كبير

حبيبتي كثر السهر جرح العين
والليل طال ودمعتي ما أطيقه
بس أتقلب بالغلا بين نارين
نار الفراق ونار بعدك حريقه
الدمع من غابت عيونك براكين
والجرح يحفر وسط قلبي طريقه
مرٍ أقوم ومرٍ أقعد وانا بين
هم وحزن وآلام نفسي غريقه
من فارقت عيني «...» المزاين
وانا عليلٍ نشف البعد ريقه
جيتك وأنا كلي أمل لا تصدين
لا تذبحين القلب خلك رقيقه
قلبك كبير ومدي الكف تكفين
وارمي الزعل والحب صافي بريقه
أنا حبيبك يا حياتي وتدرين
أني أبد ما أعيش دونك دقيقه
جيتك أسف جيتك ندم وش تشوفين
قولي وأضم الشمس بأصدق حقيقه
وأما رضيتي باحفر القبر وارمين
وللموت نفسي في غرامك شهيقه