في ذرا حكامنا

نحمد الله في وطنا كل شيءٍ بالعدالة
في ذرا حكامنا اللي حاكمينه بالعدالي
دولة التوحيد عَزَّه من يعزون الرسالة
والله إن العز واضح فوق رمله والسهالي
صانها عبدالعزيز الليث شاله وارتكاله
ثم رساها كما ترسي بها صُم الجبالي
واستلمها بعد أبو تركي حرارٍ من عياله
من سعود لفيصل لخالد لفهد أعظم رجالي
طوروها بالجهود من الجنوب إليا شماله
ومن بحر جده لياما شرقها ما له مثالي
يا فهد حزت الشهامة والكرامة والبسالة
لك مكانٍ عند شعبك يا وسيع العرف عالي
يوم عكر جوها والوقت شفنا به مياله
احتميت الدار بالرأي الحكيم ولا تبالي
ونذكر اللي يمدحونه كل ما جاله مجاله
أبو متعب عزوة المضيوم حلال الشكالي
قدر عبدالله كبير ولا نبي غيره بداله
علم صادق خابرينه يا عرب ما به جدالي
وأبو خالد عزنا ساس المروه والشكاله
حب سلطان انطبع بقلوبنا بالحيل غالي
يبذل المعروف للمحتاج من سالم حلاله
ما يحسب طير شلوى للخساير ما يسالي
أهلنا هم ربعنا لهم المودة والجماله
نفتديهم بالعمار وبالحلال وبالعيالي
ناصرين الدين للمسلم سناد بكل حاله
يشهد التاريخ بأفعال السعود أول وتالي
ولا يهمك من يدق الطبل معلومٍ مناله
عند عقال الرجال ولا علينا من الخبالي
فهد بن عبدالعزيز الرميان