محاورة الاسبوع

من المحاورات القديمة التي جرت بين الشاعرين الكبيرين مستور بين تركي العصيمي وشليويح بن شلاح المطيري
سلام الله برديه ولي نيه ولي مقصود
ومقصودي شليويح المطيري واسر ياساري
ترى حبل الشقاء يا صاحبي من بيننا ممدود
بعد هبت بك انسام الذواري واسر يا ساري
شليويح
هلا يا مرحبا ترحيبة تقبس كما البارود
كما البارود من بطن السواري واسر ياساري
انا مدري تحصل في زمانك نقص والا زود
لكنك ويش عندك من طواري واسر ياساري
مستور
وانا خابرك ما تبخل بمدك من رجال الجود
لكن ايام عنها ما انت داري واسر ياساري
ليا منك نويت الصدق معنا فابذل المجهود
جمالك لا تصدرها عواري واسر يا ساري
شليويح
يجيك المد وافي كان راس العود طق العود
نكيل الصاع ونرد العواري واسر يا ساري
وانا ماني على درب الشقاء يا صاحبي محدود
ولا اكل من طرف خبز البخاري واسر يا ساري
مستور
ترى بيني وبينك يا شليويح النقاء مجرود
ومني ما تذريك المذاري واسر يا ساري
تبا تارد وتروى والضوامي حاضه مارود
ولا لك يالمطيري خصم غاري واسر يا ساري
شليويح
تبا تفتح دروبٍ يالعصيمي ريعه مسدود
ولا ينفعك سيفك والشباري واسر يا ساري
ليا منك سهرت الليل حنا ما نصير ارقود
وانا خصمك وقصاص الاثاري واسر يا ساري
مستور
تعرض لك خيال وفي مقاديمه برد ورعود
وعندك علم عن شري وخاري واسر يا ساري
مضى لك كم سنه لا عنك لاناشد ولا منشود
ولا شفناك يالنجم الزهاري واسر ياساري
شليويح
ليا صدق خياله نارده قدام كل اورود
لكن النو ما جاله مواري واسر يا ساري
تقوله يالعصيمي ما تعديت الجبال السود
لكنك سير في وسط الصحاري واسر يا ساري
زهران عون الله المطيري /بريدة