هلا بسلمان الوفا

بكل الشوق رحب الوطن وأهله بعودة أمير الوفا والحكمة سمو الأمير سلمان بن عبدالعزيز أمير منطقة الرياض.. وقد جسد عدد من الشعراء هذه المشاعر بروائع نقدم اليوم إحداها:
عدد ما لاح برّاق الخيال وما تدن رعود
وعدد وسمٍ على نجد العذية ترزم ارعوده
وعدد ما لاعبت نبت الحياة الوسمي هبوب النود
وعدد من حج مكة واستعا في بيت معبوده
هلا يا مرحبا يا غاية المطلوب والمقصود
هلا يا للي انعرف الطيب غاياته ومقصوده
هلا يا للي كما العد القراح اللي عليه اورود
غزيره جمته ما همها لو كثروا اوروده
هلا سلمان سلمان الوفا سلمان راع الزود
هلا باللي اليا شاف.. المقل.. بخيره ايزوده
هلا يا ستر نجد اللي ملحفها الكرم والجود
ملحفها عباته بالوفا والجود من جوده
هلا يا للي علي وضح النقا من ماضيات اجدود
على وضح النقا في سيرته مع سيرة اجدوده
هلا يا للي بعيدن عن طريق العيب والمنقود
علوم الطيب وعلوم الوفا عيبه ومنقوده
أهو سلمان راسي مثل ما ترس الجبال السود
ليا وصفت بالضلعان كنه قمة السوده
على وضح النقا سيف العداله في يده مجرود
سيوفه بالعداله في طريق الحق مجروده
ركب راس السنام وفي يده حبل الوفا ممدود
وجميع احبال علم الطيب في يمناه ممدوده
ليا منك لفيت المجلسه تلقى الرجال اقعود
قعد له من رباه وعادة الأبوان مقعوده
كريمٍ والكرم في سيدي زايد بدون احدود
لو انحدد افعوله بالكرم ما تلحق احدوده
كسبها بالوفا ذكره يعجعج مثل ريح العود
ألا يا جعل جناة النعيم ابوسطها عوده
إلا يا سيفنا لن ثورت بالملح والبارود
عدانا تنهزم وقت اللقا من قدح باروده
زحل حلحيل في وقت الله الله كم يفك اعقود
يحل المبهمات ولن عقد ما حلت اعقوده
اليا منك بغيته سيدي وقت الطلب موجود
صعيبات العلوم احلولها بيديه موجوده
تربا مع معزي بالوفا من يوم هو مولود
ألا يا نعم بالوالد ويا نعم بمولوده
كلام امن الذيابي والرجال الطيبين اشهود
وكلام الحق في وسط البشر يا مكثر اشهوده
أهو راع الشكالة والمروه والكلام اوكود
عليه بالطلاق أن المراجل فيه موكوده