بدر الظاهري بصوت مرتفع.. عمر المذله ما انجبت عز ورجال

لأنه في أوقات «يصير» وبعض الأوقات «ما يصير»

لا احد يستطيع ان ينكر ان هناك مشكلة داخل الساحة الشعبية تتعلق باختفاء بعض الاسماء الشعرية من جيل الشباب وبكل تأكيد ان الشاعر الشاب بدر الظاهري احد هؤلاء الشعراء المميزين فهو شاعر مليء بالجمال والروعة، ولأنه شاعر يقدم شيئاً مختلفاً عن ابناء جيله سوف نطرح بعضاً من اوراقه الشعرية بدون ترتيب لكي يرتب ارواحنا من الداخل وهي دعوة للاستمتاع بالشعر.
ورقة «1»
والله يالو العز نقدر نبيعه
كان اليدين القفر دبت بالأموال
لكن تبي تبقى الرفيعة رفيعه
عمر المذلة ما انجبت عز ورجال
ورقة «2»
أوقات اصير وبعض الأوقات ما اصير
عشان ابعطي بس فرصة لغيري
غيري يبيها واحمد الله انا غير
مادامني خابر مطاليع طيري
ورقة «3»
العام مروا علي واعطوني السبحه
واليوم ما باقي إلا خيط مسباحي
خيط سألته بعد ما لان عن ربحه؟
وامسك يدي قال هذي والله ارباحي
ورقة «4»
ما ألوم بعض البشر لو قام يلعني
عشاني اصبحت ما احبه ولا اطيقه
يا بوي أنا حر.. اغني وقت ما اغني
شعري وانا حر فيه وفي طواريقه
ورقة «5»
وردة تجي يمه.. ووردة توقف له
هو بس يقطف واحسه يقطف احلامي
لا يقطف الورد قولو له أنا اقطف له
ما صارت الورد يقطف ورد قدامي
ورقة «6»
والله اني لو ما ابيها كان قلت: اني ما ابيها
بس ابيها ثم ابيها لو على حذفت عقالي
الوكاد اني قضيت وصرت انا مدمن عليها
كل ما شميت ريحة عطرها يرتاح بالي
ورقة «7»
يا اني اسكن يا حبيبي بعينك
وإلا انت تسكن تحت جفني ورمشي
هذا هو افضل حل بيني وبينك
افضل من اني التقيبك وتمشي
ورقة «8»
حبيب قلبي ما هي عادة لك الليلة
ضايق وش اللي مكدر يا حلو بالك
اول تجي رايق.. وجوك وش حليله
واليوم ما سرني جوك ولا حالك
ورقة «9»
صباح الحب يا ليلٍ تفرق واشتعل صبحه
مساء الحب يا صبحٍ تجمع وانطفى ليله
حبيبي لا تلوم القلب والكفين والسبحه
ترى كل ليا شافك يطيح وعينك تشيله
ورقة 10
اتصدق انك يا بو قلبي ما قصر تبه
بالعكس غيرك من الأحباب يمكن شحوح
ارجوك برى وباب القلب لا تعتبه
هيه هيه.. صدقت يا مجنون تبغى تروح
ورقة «11»
ميلي ترى للخيزران الف ميله
الخيزران يقول واويل حالي
والنيل جنبك راح ستين نيله
والبحر لو هو يلمحك صار حالي
ورقة «12»
بغيت اطير من الفرح والوناسه
لا وش بغيت أطير.. إلا قسم طرت
ولا دريت إلا وانا ابوس راسه
قبل اسأله وأقول وشبك تأخرت