حلول اللغز

نشرنا في عدد مضى لغزاً كتبه الشاعر عبدالله بن سلطان العياش من محافظة الخرمة وكان نصه:
أنشدك عن بنتٍ تخاوي الرجاجيل
ما تستحي منهم وفيها سدادي
منها فوايد للرجال الحلاحيل
اللي مناصبهم عليها اعتمادي
وبعد إعادة نشره للمرة الثانية جاءنا عدد من الحلول الصحيحة وقد اكتملت شروط النشر في الحلول التالية التي نقدمها حسب أولوية الوصول:
سلام منّي عد وبل الهماليل
واعداد ما حدر من السيل وادي
اللغز حله بعد كل التحاليل
(البوصله) صارت كلام وكادي
علي رشيد الرشيد - رياض الخبراء
اللغز ما يحتاج شرحٍ وتعديل
وأنا كتبت الحل حسب اجتهادي
البوصله تخدم حريم ورجاجيل
هذا يابن عياش علمٍ وكادي
مها البخيت الرياض
عبدالله العياش من ديرة النيل
نرسل جواب اللغز يمك وكادي
البوصله ونجومها الجدي وسهيل
دلايل اللي في دجا الليل غادي
فهد بن عقيل الطويان - بريدة
يامرحبا يابن الرجال المشاكيل
خوالي أهل المجد سقم المعادي
ياخال بنتك من خيار الدواليل
وليا نقلها الرجل ما هوب غادي
شبيب بن هذال السبيعي - الخرمه
بصفحة مدارات المعاني مداهيل
واللغز فيها دوم ماهوب عادي
للغز قيمة في صدور المشاكيل
«والبوصلة» حله ولا نيب غادي
عطا الله بن سليمان العطا الله - الزلفي
أشوف حل اللغز ذا صعب بالحيل
مير أبا أحاول قدرتي باجتهادي
عسى الكريم يسهل الحل تسهيل
والبوصلة فيها يتم المرادي
لمياء بنت صالح المحيميد - أمهات الذيابه
العود الأزرق.. وأشقر البن.. والهيل
والحيل.. مع قولة هلا للمنادي
وحس الرعد.. والبرق.. مع طاري السيل
والبوصلة لا من قدت كل غادي
فهد الجروان - الزلفي
يالله يا والي عليك التساهيل
يسر لنا درب السعد والرشادي
اللغز حله «بوصلة» للدواليل
ما أظن غيره ياجماعة وكادي
شماء العبدالعزيز - تمير
عبدالله العياش جتك المراسيل
عبر الجزيرة جاك حلٍّ وكادي
لي رمعةٍ مالك عليها مداخيل
البوصلة ترشدك كان أنت غادي
راشد بن ناصر الشقيق - الأسياح