النصائح الخمس

باسم الذي كون سحاب وبروقي
الواحد المعبود عالم خفى الناس
واللي خلق في الجسم دم وعروقي
من قاعدة الاقدام الى عضمة الراس
أبدي بذكره لأجل دمي يروقي
واعوذ به من كل وسواس خناس
من بعدها يا كل شخص خلوقي
خلك معي واسمع نصائح لها اساس
الاوله لا يوم تصبح حموقي
وتحمل الزله ولا تصير حساس
والثانيه ابعد عن اللي سروقي
يسرقك لو من دونك الفين حراس
والثالثه خلك حسين النطوقي
ولا تقول الا كلام بمقياس
والرابعة في الخير خلك سبوقي
واحذر من اهل الكبرياء والتغطراس
والخامسه خلك صحيح صدوقي
ولا تعرض دائم درب الادناس
وهذي نصائح كل ابوها تلوقي
باللي مكانه عالي بين الاجناس
غرمان بن محمد بن عزيز العمري