من قصائد الأمسية

أحبك كذبة بيضاء عشقتك عشق بعد وقرب
وغنت صوت قلبي لك شفاه تجهل أسبابه
أموت بنظرة منك وينبت في دروبي عشب
إلا منه شربني صوتك الفتان واحيابه
عظيمة هالقلوب اللي تحب وخافق ما حب
حياته وش حياته لو يموت افراقه أو لابه
أدور لك كلام أجمل ولا أجمل من كلام القلب
وعمر القلب ما يكذب نهار يحدث أحبابه
أطير لك حمام البال وافقد كل ليله سرب
يمسيه الورق في حضنه الدافي ويدفا به
شعوري لو نثرته للهبايب كل جرح هب
وعنيت الهوى واهل الهوى والحب متشابه
حنين وشوق واحلام كثيرة والحقيقة عذب
حلاته في عذابه من دخل دنياه يشقا به
عظيم الحب وانت اعظم وانا أعظم من جرحه الحب
حياتي عطرها نزف الشعور اللي من أسبابه
***
من اللي قال
جرحتي وانتثر دمع يجف وينتثر غيره
من اللي قال لك لوني بكيت بتزهر عيوني
تعبت من الجراح اللي غده من كثرها ديره
لها مثل الغدير من السراب وتشرب ظنوني
ترى اللي لقلبه قال عسالك بالجفا خيره
مدامي لا سليت ولا نسيت جرح مضنوني
يا انتي لا غدا ذنبك كبير وصعب تبريره
أو من وين الاقي لك عذر وارحني شجوني
انا من وين أروح ولا الاقي لك مع سيره
فبالي أوفعيني أو صوتي أو فمكنوني
أنا اللي ماخذٍ شر الغرام ولا وصل خيره
وتعبت ولمني ليل الغرام وسافر بدوني