( فلاحه )

الشاعرة والكاتبة الزميلة ( بارعة ) خصت ( ملامح صبح ) بقصيدتها ( فلاحه ) ومع شكرنا وتقديرنا لتواصلها معنا ندعوكم لتقرأوها لتدركوا ملامح تجربتها الشعرية الثرية حيث تقول:
اداري عن اقرابي تعابير للخذلان = ولكن على وجهي بدى الضيق واشباحه
اخفي حنيني كود يبرد لضى الاحزان = ومن جوفي اسمع ونت الشوق فضاحه
عسى الله يعزك يا ديارنٍ بها الخلان = ولو كان خلي قطع القلب بسلاحه
يقولون في قصه قديم الزمن ما كان = واقول الله الله وش يقولون بالراحه
حكوا عن اصيله عشقها ما عرفه انسان = تجارة غلا ما خالط الغش ارباحه
هدفها بعيد ولا حكت تعجب الاذهان = كريمه اصل وبطيب الافعال فواحه
غزاها الهوى واشتد وقع الغلا وزدان = وصارت بعد حكم السلاطين فلاحه
بيدها تحاول تزرع الحب والحسان = قبيل الشروق ويجني الخافق اجراحه
غدى فكرها مما جرى مرهق وحيران = وخيل الالم في داخل العرق جماحه
وش اللي يسلي خافقٍ مغرمٍ ولهان = بعد ذاق غربت دنيته والجفا اجتاحه ؟..