قسوة الجور

تدري وش أسعد لحظة في حياتي؟؟
لاصرت أشوفك عايش بخير وسرور
تدري وش الهاجس وغال أمنياتي؟؟
إنك سعيد ولو غدى القلب مكسور!
برسل خفوقي يشتعل لك وياتي
يرقص طرب في بهجتك حيل مسرور
خله يجي لك يبتهج يامناتي
وينثر لفرحة خافقك ورد وزهور
ماهيّب الشمعة لهيب المماتي
ماهي مهمة دامها تشتعل نور
لو يطلبون القلب لك ياغناتي
لحظات لسعادك وهو شي مقدور !
و الله لا سوقه ولكن وصاتي
ترفق بقلبي عن خطا قسوة الجور
ماهو على شاني ولاهي صفاتي!
إلا على شانك بوسطه ومحفور
والله مالحظة بجوفي يباتي
لعيون لحظة يبتهج سيد الحور
دامك سعيدٍ ما علي لا تحاتي
أبشرك مبسوط والحال مستور
وأوعدك أنا ما انساك غير بصلاتي
لك دعوتي يالله عسى الذنب مغفور
وان الله يحقق لك أغلى أمنياتي
أنك تعيش بدوم في خير وسرور
عبدالعزيز صالح العوض
الأسياح