دخيلك

ناظري في حالي المنهار باسبابك
امانة واتوسل ترأفين بحال مفتونك
انا اللي كل ما فيني غلا واموت واحيابك
وانا اللي يا حبيبي من غلاك اليوم مجنونك
بعد ما كنت لك كل الامل والعشق يزهابك
تبدلتي بطبعك واختلف حبك لمديونك
اشيل بداخلي حلم اللقاء والحزن واعتابك
اعاني من هموم فراق والهجران وظنونك
بحر هجرك تجرعته وزاد بعلقم غيابك
وفيضت النهر من مدمعٍ لعيون يغلونك
سئلتك بالذي سواك قلبي ويش سوابك
سوى إنه قال كل الخلق واغلى الناس يفدونك
دخيلك وش بقى حتى تحس بجرح منصابك
على امرك لو موتي يدفع اجلك مت انا دونك
ترى لي قلب لو زاد العذاب بصدق ما عابك
تفنن في عذابي والمهم كيف انت وشلونك