الفهد زيزوم وقفات البطولة

للوطن:

جيت أسوق الشعر وأطوع ذلوله
وأتخير فالبيوت وفالفرايد
واجتهد قدام لابديبه وأقوله
عارف منصى القصيدة رجل كايد
الفهد زيزوم وقفات البطوله
المليك اللي اليا جات الشدايد
شامخ مثل الجبل ما احد يطوله
فيصليا من وسيعين البنايد
الملوك اللي لهم صوله وجوله
المراجل فيه ميزات وعوايد
تعتزيبه عند حزات الرجوله
أشهدنه للوطن باني وقايد
الرخاء والعدل في فعله وقوله
والصروح المنجزات بلا عدايد
عمت ربوع الجزيره من فعوله
يا عساه يدوم وسنينه مدايد
مرت العشرين في عهده عجوله
كل يوم عز وأفعال جدايد
للوطن والدين والشعب معموله
دارنا دار المعزه والفوايد
في ذرى حكم عسى الله ما يزوله
من جمال الكون كاسيها قلايد
تسحر الناظر وزايرها تهوله
أحمد الله دوم فيها الأمن سايد
وحكم شرع الله على منهج رسوله
منهج الاسلام وان جات الوكايد
عندنا كله على غاية أصوله
وغيرنا ما عندهم غير الحسايد
لو بغوا منهاجنا يصعب وصوله
ويا فهد يا راس شجعان البدايد
شعبك اللي كلهم ربع وحموله
جعل عيدك يا طويل العمر عايد
عقب شهر الصوم وتفوز بقبوله
نايف بن ماطر الحلفي