الشعراء يقدمون أحلى القصائد للوطن

بحلول عيد الفطر المبارك:

كل عام وأنتم بخير يا ولاة أمر المسلمين في قلب الإسلام النابض.
كل عام وأنت بخير يافهد العروبة يا خادم الحرمين الشريفين,, ولك ولسمو ولي عهد الأمين وسمو النائب الثاني وأبناء شعبكم الأبي يقدم الشعر أسمى مشاعر الولاء,, وأصدق آيات التهاني بهذه المناسبة السعيدة.
وفي ثاني ايام عيد الفطر المبارك نقدم ثلاث قصائد تحمل أصدق المشاعر الأولى كتبها الشاعر دحيم الرشيدي وقدمها بكلمات معبرة حيث قال:
تهنئة للمليك والوطن بمناسبة عيد الفطر المبارك
يا وطنا منبع النور ما مثلك بلد
عاد عيدك بالرخا يا وطنا كل عام
أنتهزنا العيد فرصة وجددنا العهد
للملوك اللي على صدرك الطاهر وسام
ياوطن نفدا ترابك بالانفس والولد
كل ما نملك فدا موطن البيت الحرام
بسمي وبسم زملائي بلاخص وعدد
والمدير وقائد افرانادناوبو هشام
نرفع آيات التهاني لبو فيصل فهد
وبو متعب وبو خالد عزيزين المقام
مبطي أعلنا ولانا وذلحين وبعد
للوطن والفهد واخوانه عيال الامام
يا فهد حنا جنودك وتبشر بالسعد
أمرك ينفذ عنه ما نغفل ولا ننام
الكلام اللي بذلته عليه الله شهد
والله انه صدق ما قلته مجرد كلام
دحيم عبدالرحمن الرشيدي
القصيدة الثانية للشاعر فهد الطويان ويقول فيها:
أسمى التهاني والأماني وتبريك
في يوم عيدك نرفعه يا وطنا
عسى عليك إيعود واللي سكن فيك
إسنين بالطاعة لنا يشهدنا
أهني اللي قاد عزك وحاميك
اللي حكم بالدين فرض وسنا
فهد حبيب الشعب غالي ويغليك
عزك ومجدك والعدالة تبنى
وشعب السعودي بالمهمات يفديك
وقت الشدايد حاضر ماتونا
يا قبلة الإسلام كل إيراعيك
بعد الولي يا ملتجا من زبنا
شرفك رب البيت بالبيت مغنيك
مكة وطيبه بالحرم يعرفنا
الشر مبعد عنك والخير باغيك
فعلك يكذب من علينا تجنى
ما وقّف المعروف جاحد حسانيك
لله ما قدمت ما فيه منا
خيرك يدوم ورب الأرباب يعطيك
وطير السعد والعزبك دوم غنى
حنا إجنودك ضد من هو إيعاديك
والجود والمعروف فينا ومنا
وحنا إحماة الدين بالدين نبنيك
أعلامنا بذكر الولي رفرفنا
وعاشوا لك آل سعود شمس إتقديك
أفعالهم تشهد لهم في زمنا
لك يا وطن من قلب قلته إمهنيك
عيدك يعود إبو صلتك ما تمنى
فهد بن عقيل الطويان بريدة
القصيدة الثالثة للشاعر عبدالكريم الجبرين ويقول فيها:
عيد سعيد وعل خيرك يزودي
طول الدهر نهر يفيض متزايد
من ذا الحدود الين ذيك الحدودي
فيك المنافع كلها والفوايد
الكل شاهد ما طلبنا شهودي
يا دارنا دار الكرم والعوايد
عيد سعيد لكل فرد سعودي
وللمسلمين اللي قريب ونايد
عاش الوطن حنا لوطنا جنودي
في اليسر وأوقات الصبر والشدايد
وفي كل عام أنتم بخير يعودي
وفي كل عام يا عسى الخير عايد
يا ديرة التوحيد رمز الصمودي
سعودية فيها العلوم الوكايد
يا قبلة الإسلام وأرض الجدودي
تستاهلين الحب وأحلى القصايد
عاشت بلدنا رغم كيد الحسودي
والله يكفيها العدا والمكايد
يا عل براق السما والرعودي
تمطر على الصمان مزن جدايد
والدبدبة وما حولها من النفودي
وعمود نجد ونبتها والوهايد
من العايدين اقولها للوفودي
اللي لمكه جو ضيوف مجايد
عيد سعيد وريحة العيد عودي
بخور أصلي طيب ومتزايد
حي السعوديين وأهل العهودي
تحية المشتاق والحب زايد