بصمة ناعمة

قوت القلوب

حبيبي والسهر كحل العيون وخاطري ماطاب
حبيبي والهوى نبض الشعور وليتك إتجيني
حبيبي والأمل خيطن دقاق إليا انقطع من ناب
تزامل يأس قلبي مع جروحي وأنت ناسيني
حبيبي والتعب نزف الجروح ودمعتين إسهاب
بقت تدرج على خد الملاك وتعبت عيني
تعبت من التعب كثر التعب ومعاتب الأتعاب
تعبت من الجفاء ليه الجفاء مثلك يعنيني
تعبت أنده وأنادي وأصرخ بصوتي وراسي شاب
تعبت أكذب وأساير كذبتي وأقول بيجيني
تعبت من الرجاء كم لي وأنا أرجي حضرتك وأسباب
رجاي إني أحبك يابعد عمري ومشقيني
مواعيدك معي حلم وسراب وامنيات أحباب
ماكن اللي يهنيني على وصلك يهنيني
يهنيني على صدمة غيابك وانكسر وارتاب
يهنيني لا والله مايهنيني يعزيني
نعم مات الغرام بخافقك وإلاخفوقي ذاب
يحبك كثرما ينبض حبيبي هوترى فيني
أحبك حسبي الله ياحبيبي والهوى غلاب
أحبك وإن بغيت الصدق تكفى لاتخليني