الأمل ما غاب

فهارس مكتبي ياصاحبي والطاوله والباب
تحن وتشتكيلي وتلفت ماتلاقيني
لو أني بينها جالس ولكني جسد وأثياب
أوسد خدي أيساري ووسد خدي يميني
تعبت وتعبت أشيائي ولكن الأمل ماغاب
لوأنك حلم ليلٍ ماقدرت أسجنه في عيني
وأنا اللي ليا لمحتك طيف أبا أحيابك أمل وأعجاب
لذا لا تجترف فيني الذنوب ولاتخليني
أبا أعيشك هواء وأستنشقك ريح أجمل الأطياب
عشان أشهق بنفاسي وأكنك في شراييني
الا ياروعة أبياتي ليا من الشعر أنساب
يكفيك أنك أجمل ماكتبته في عنواويني
أحبك أيه أحبك لو غديت من الزمن منصاب
يكفيني وجودك به وينعشني ويحييني
أبا أقطف وردتين بفية عيونك تحت الأهداب
وأبا أشعل جمرتينك لين تزهقّني وتكويني
أبا فلّك شعر وأسرحك غروٍ عشق وأرتاب
طواه الليل وأتعبه السهر وأشقاه غاليني
من أغصون الغلا ياصاحبي طارت جموع أسراب
وحمامتك الوحيده باقيه عندي تسليني
ولكنها تنوح وكنَها فيني تغط أحراب
طلبتك قلها لي غبت عني ماتعنيني