عيون النداوي

نسناسٍ يهيِّج حنين الشقاوي
واخذني الهوجاس والقلب شلّع
واشتقت انا خلي.. عيون النداوي
يا كيف ابسلا شوفة الجيد الاتلع؟
ويا كيف ابقوى البعد؟ ما نيب قاوي
فارقت انا من فيه قلبي تولع
وامسيت من عقبه وحيد خلاوي
اقضي حياتي مثل طفل مروَّع
يا ويل من يمشي مع الحب.. غاوي
عشت العمر فعناد.. للناس ما اخضع
صلفٍ.. وعايش طول عمري غناوي
ايام كانت سني اربع مع اربع
واربع بعدهن.. نوم.. لعب.. وحكاوي
واليوم انا يا ناس عايش مزعزع
عزي لمن صارت حياته بلاوي
ماهو صحيح ان المراسيل تنفع
ولاهو صحيح ان التسلي يداوي
ياما سهرت الليل والعين تدمع
كني طريح فراش بالبيت ثاوي
وياما نهيت القلب.. يبعد ويقنع
ويقول.. يبقى لي فحبه رجاوي
واليوم عشر سنين نفسي تجزّع
تشكي عذاب القلب.. والقلب هاوي
مراقب الوقت