الحقيقة - "شعبلة"

شفت قبل كم يوم مقابلة تلفزيونية لأبوزيد شدتني واجد...!! لحظة اركدوا ترا أقصد ابوزيد راعي الحكام وبرنامج صافرة والبلنتيات موب جون العسكري وتوهقونا! ... المهم أبو زيد جلس يوضح أخطاء مباراة الاتفاق والهلال، واللي بصراحة زين أنها ما انقلت مباشر، علشان ما يرتفع الضغط والسكر عند جمهور الفريقين من كثر الأخطاء واللي كانت على الفريقين وبشكل غريب عشان ماتقولون اني ضد الهلال وشملت أكثر من ضربة جزاء ماانحسبت وكروت وبالوانها ماانرفعت وتخبيص على كيف كيقكم... وبصراحة اللي شفته يخليني أبعد عن أي مباراة يحكمها حتى لو كانت بين البرازيل والأرجنتين، لأنه بيذبح حلاوة المباراة كالعادة... بس ياخي إلى متى واللجنة ساكتة عليه، ما لهم عيون يشوفون أخطائه اللي تتكرر والايقافات اللي ماعدلته؟ يعني الى متى؟ ووش ترجون منه وهو يكرر أخطائه خصوصاً وانتم منتم ناقصين هجوم على الحكام ويكفيكم مايجيكم من بسبب تصاريح"ريس"لجنتكم المقنع جداً والبليغ! طبعاً تفهمون قصدي... صح؟.
وأنا أقترح لو جمعوا أعضاء اللجنة قطة وفتحوا له مكتب عقار يجلس فيه بعد العصر أحسن له ولنا... ولا يحولونه مراقب فني زي الحكام اللي فشلوا قبله... وربنا يعين الحكام الشباب اللي يدورون فرصة... ويس خلاص"وين صرت شعبلة".
ابن البلد
iabalad@maktoob.com