الحقيقة - "عقوبة" 1-2

تصدقون اصطبحت أمس وللأسف بوجه زميل أهلاوي ناقم طبعاً بعد ما صليت الجمعة - جاي يدوّر أول واحد يقابله عشان"يفضفض"، يقول زميلي انه بغى يشق ثوبه من القهر! ويطالب بتغيير اسم النادي إلى"......"ويكمل تفريغ"المر"بكسر الميم يا هوه يا سيبويه - ويقول سميته كذا عشان الجيزاني اللي ضيعنا ودهورنا ويضيع قدام الباب وهو فاضي... ويكمل ويسألني: هذا لاعب؟ عموماً هو ممكن يصير أي شئ في النادي إلا مهاجم يجيب أهداف!.
كل شي سويناه... كنا نحلم بالآسيوية ودحدرنا... قلنا ما لنا إلا هاالكاس مضمون في"الجنط"وطار بعد، ولا بنصير زي العالمي من فرق الصف الثاني اللي تمخش بس ما في أمل تجيب بطولة؟ يعني متى بنفرح - صراحة سؤال المليون
وبعد كذا الحبيب بدا يركز لا تخافون صايم - وهاجم تصريح العضو الهلالي البارز جداً في الرياضية اللي قال فيه يوم النهائي على حكم المباراة"جلال تخصص تدمير الهلال"... طبعاً يبي يضغطه عشان يفوزهم! ويواصل ياخي هاذي التصاريح لازم تمنع لأنها اسلوب قديم ومفضوح وأهدافها الملتوية واضحة، ويستشهد بكلام دكتورهم في نفس الجريدة اللي كان عنوانه"سنبارك للهلاليين"... شف الفرق؟
ابن البلد
iabalad@maktoob.com