مزاح وغضب قبل ان يقول البطوطي "توكلت على الله" 11 مرة

لم يشر النص العربي للمحادثات بين الطيارين المصريين الذين كانوا داخل قمرة القيادة لطائرة شركة "مصر للطيران" التي سقطت قبالة السواحل الشرقية الاميركية في نهاية تشرين الاول اكتوبر الماضي والذي جاء ضمن "تقرير الحقائق" الذي اعلنته "هيئة سلامة النقل الاميركي" أول من أمس، ما يشير الى ما يعكر صفو الحال النفسية لمن كانوا داخل القمرة. فالجميع كانوا في حال طبيعية ولم يُظهر النص منذ اقلاع الطائرة من مطار جون أف كينيدي في نيويورك ما اذا كان في نية احدهم الاقدام على اسقاط الطائرة عمداً في مرحلة لاحقة او عزمه على الانتحار. غير ان ترديد مساعد قائد الطائرة جميل البطوطي عبارة "توكلت على الله" 11 مرة ربما اثار الاستغراب وجعل من تفسيرها أمراً محيراً. كما كشف التقرير وجود بعض المشاكل التي تتعلق بكثرة عدد افراد الطاقم ووجود اربعة بينهم ممن كانوا تحت التدريب ولم يكن بعضهم يحمل اوراقاً يكفل له ركوب الطائرة في رحلة العودة.
بدأ النص العربي بحوار بين برج المراقبة وقائد الطائرة عن خطوات الاقلاع وخط السير والظروف المناخية. ثم سُمع حديث مع المضيفة: مد موازيل.. مدام والنبي بعد اذنك انا عايز ازازة مية وكباية قهوة. والنبي اثنين لبن وواحد سكر، كابتن حبشي تشرب حاجة، كابتن حاتم تشرب حاجة.
وبعدها بدأ حوار تضمن مزاحاً بين الجميع:
- عادل
- يا كبير لا مؤاخذة
- شكرا يا افندم. متشكرين.
- متشكرين يا كومندان. كتر خيرك
لكن الحوار تحول فجأة الى ما يعكس استياء اثنين من افراد الطاقم من بعض الاوضاع:
- ايه الاخبار؟ مالك؟
- دا كلام فاضي
- اه طبعاً.
- دا كلام فاضي بصراحة ربنا انا ما اقبلش.
- سوق. سوق
- انا ما اقيدش الاوضاع دي عروده.. ده ما اسموش طيران، والله العظيم سميه اي حاجة تانية. ده ما لوش دعوة بالطيران الشغل ده انا مرضتش اتراذل بسبب بسبب واحد انه هو يعني انه حاتم موجود وحيبقى شايف قدامه الوضع ازاي.
- كابتن.. انت...
- كله من الواد الخايب ده الي اسمه عياد ده.
- نعم؟
- عياد ده الى عمال يقولك Zulu Alpha ومش ZULU Alpha .
- ما انا واخد بالي أنا
- قاعد حاطط THree mine هنا
- يعني بيني بينك ده موش شغل والله بجد
- لأ خالص
- هشام بيقولي طالع كمساعد بكره. طب وده ينفع.. جاي من لوس انجلوس واخد بالك حيطلع يعمل مساعد .
وبدأ حوار آخر بين احد المعترضين على كثرة عدد افراد الطاقم وقائد الطائرة الذي يرجح انه أحمد الحبشي:
- ايه رأيك في الزحمة اللي على الطايره دي؟
- زحمة ايه؟
- الطاقم الي على الطياره ده
- فيه واحد راجع عنده Simulator والثاني انا من مصر قايل له يرجع على الطيارة من لوس على مصر على طول عشان التدريب تفرق ايه يعني؟
- نعم؟
- تفرق ايه؟
- لا انا ما تفرقش معايا حاجة انا انا علشانهم.
- اصل دول موش فاعلين يعني.
- ما انا واخد بالي. ما قولتش حاجة بس يعني لما تفاجىء انت معاك ناس كده ما تعرفش عنهم حاجة، كويس ايه انت موجود يعني واخد بالك. انا موش عارف يعني ما أي واحد ممكن.
واستمر الحديث حول كثرة عدد افراد الطاقم ثم عاد المزاح بين الموجودين.
- ازيك يا جيمي؟.
- ازيك يا باشا؟.
- اخبارك ايه؟.
- انا نايم والله.
ثم حوار بين جميل البطوطي وعادل انور
البطوطي: استنى بس حاقولك حاجة. انا اصلي مش حانام خالص فانا ممكن اقعد لي ساعتين وبعدين.
انور : بس انا انا نايم انا نايم
البطوطي: يعني مش حتقوم يعني مش حتقوم انت تريّح وتيجي
انور: كنت قولت لي كنت قولت لي الكلام ده يا كابتن جميل
البطوطي: هو انا شفتك؟
انور : انا هاشتغل الاول سيبها لي ما انا حاقوم اقعد جنبك يعني دلوقتي حاقوم اقعد جنبك على الكرسي. انا مش نايم، خد راحتك في النوم ولما وقت ما تصحى تعالى يا كابتن.
البطوطي: ما انا حاجي.
انور- يا كابتن
وبعدها سار الحديث في امور عادية قطعه مرات عدة احاديث مع برج المراقبة ثم عاد الحديث عن العدد الكبير من افراد الطاقم على الطائرة بين اثنين من الطيارين.
- بعدين هو بيجاملهم. عشلان تبقى عارف يعني
- ما هو اه ما اهو بيقولي لو حد غلط..
- اه
- انت عارف انا ما بأذيش حد. انا هاغطيه.
- اما انا باقولك يعني
- قولت لك ماشي.
- انت مدّي تعليمات ان ان هم يطلعوا قال انا ببعت تلكسات وخلاص.
- هو بيجاملهم ما دام هو بيجاملهم ما تشغلش بالك.
- طيب يعني انا من امتى باوجع دماغي.
- ما انت عارف يعني.
- هم هم السمعة انت عامل مشاكل. انت عامل مشاكل
دا النظام الي بيتقال يعني عشان تبقى عارف يعني.
- انا ولا تفرق معايا.
- دول عيال وبعدين مستقطبينهم. الواد اللي اسمه ... بزعامة الواد اللي اسمه ... اللي اسمه ... ده خدت بالك؟
- ما تشغلش دماغك. قليل !!
- يعني انت عارفني انا مليش يعني انا متفرقش معايا بس لما عيال تبتدي بالشكل ده...
- انا قولت له قولت له بعد كده اللي حاشوفه طالع وموش واخد اذن من حد واللي كان بيكرر العملية دي رايح جاي ولو باذن موش حاطيره معايا ما اطيرش معاه.. الله الغني. موش عايز اطير مع حد. لما ترسى ايه انا موش حاطير لو يقدروا مايطيرونيش ما يبقوش يطيروني، يعني هاقلوهم ايه؟
العيال اصلهم عاملين كومبنية مع بعض علشان تبقى عارف. بزعامة ... واكل الحق ... وداخل في ودن ... جامد وداخلي في الواد ده سايق الهبل على الشيطنة.
- مين؟
- هو ده
اما اللحظات الاخيرة فبدأت عند حين فتح باب وخرج شخص رجح المحققون انه قائد الطائرة أحمد الحبشي. وبدأت الوقائع:
البطوطي: اتفضل اتفضل
- صوت غلق الباب.
الحبشي: قبل ما تتزحم العملية وهم بيأكلوا كده واجيلك
- الباب يفتح مرة اخرى.
- فجأة يسمح صوت فرقعة.
- فرقعة اخرى.
- كلمات اختلف المترجمون حولها حيث اتفق خمسة منهم على عدم فهمها وكلهم اتفقوا على ان مقاطع منها غير مسموعة على الاطلاق. وبعضهم اعتقد ان بينها كلمة تعني "سيطر عليها" او "خد بالك" ومترجم بريطاني قال ان معناها قد يكون "هيدروليك" وجاءت الوقائع بعدها كالتالي.
- البطوطي يقول توكلت على الله.
- الفرقعة مستمرة لمدة 15 ثانية
- صوت تحرك المقعد الكهربائي للطيار
- اصوات فرقعات متتالية
البطوطي: توكلت على الله
- صوت فرقعة اعقبه ثلاث فرقعات متتالية
البطوطي : توكلت على الله ست مرات اخرى متتالية
- صوت فرقعة
البطوطي: توكلت على الله
الحبشي: في ايه؟ في ايه؟
البطوطي: توكلت على الله
- الفرقعة مستمرة لمدة 15 ثانية.
البطوطي: توكلت على الله
الحبشي: في ايه
- عبارة غير مفهومة
الحبشي: في ايّ يا جميل؟ في ايه؟
- اصوات متتالية تشبه النداء الآلي
الحبشي: ايه ده ايه ده قفلت المكن؟
ابعد في المكمن
اقفل المكن
البطوطي: قفل
الحبشي: شد، شد معايا
شد معايا
شد معايا
انتهى التسجيل