جواب

الليل يسري بالحزن والفجر يمحى ماوراه
ويرجع المشهد غياب الشمس والجرح الدفين
أحلام تبحر بالسجين اللي سبب سجنه وفاه
اللي تجاهل رغبته ويعيش بأيام الحنين
وقفت عقارب ساعة الملتاع من هم حواه
واجتاحه الحرمان والأوطان ضاقت يا معين
مالي وطن أنت وطن عاف المواطن ما حواه
وأنا انتمائي للوطن ما ينتهي لو تجهلين
عايش بطل رغم الظروف أصارع وحوش الفلااه
عزيز جانب ما علي خلاف كدت الحاسدين
لا تسألين اليوم عن حالي وجسمي وش براه
بجابتي غصة وأبي عن حالتي ما تسألين
شاب الكلام بداخلي والقلب جاه اللي كفاه
لكن صبري ما نفذ والله يعين الصابرين
من صد وأبعد ما ذكر غاليه قولي يا مناه
من غاب دون اسباب قولي كان عني تنشدين
ما يجهلك ودي ولا تقوين مني ذا السواه
أنت السنين الماضية وأنا بقايا ذا السنين
اسلي الخاطر ولا يبطي يعود في عناه
وأعيش بأحلامي معك وأنت بعيدة ما تجين
ما هي بكيفي لوعتي قلبي معلق يا شقاه
أنهاه عنك ما انتهى وأنت بعد ما تنتهين
أنتِي سبب كل الألم وأنتِي بعد طوق النجاه
وأنتِي بداية غربتي وآخر أمل عند الحزين
قد قلت لك ما أقدر على بعدك ولا أطيق الحياه
من دونك أيامي بدون ألوان ليه تغالطين
ذي حالتي وياك صديتي وأنا مالي عناه
غبتي وغابة رغبتي بالعي وأنت تسألين
تركي بن ثليب