صوت وصدى

ياللي تنشد عن علوم الذي طاف =كل البحور وكل دوله وديره
خذ من علومي علم أوصافه أوصاف =جزل سمين يشتعل له سعيره
الزين عقب المغربيات ينعاف =غيد لهن بالزين ذكره و سيره
فيهن حلا طاغي ولين و تعطاف =وفيهن حنان يشعل القلب غيره
حلوات وصف وفاهمات بالاعراف =زينات منطق صافيات السريره
بنات قوم طيبهم غصب ينشاف =اولاد مغرب بالليال العسيره
الزين في لميا وتغريد والطاف =ماهوب في حصه وكشره ومنيره
الصدى- شاعرة:
قال الذي في بدع الامثال صراف =جزل يفرق بين درهم وليره
يلي مدحت المغربيات بجحاف=الله يجيرك من عماة البصيرة
لو تعجبك لميا وتغريد والطاف =مايصلحن لهل الوجيه السفيره
ترى البضايع عدة اشكال واصناف =وكل ينوخ وسط سوقه بعيره
عز الله ان الطيب في بنت الاشراف =اللي على الحشمه تربت صغيره
ولا تبين منها كود الاطراف =مثل القماشه في البحور الغزيره
ياللي تدور بالجواهر والاصداف =الزين كله في بنات الجزيرة