بيعة ولي العهد

يا شعر غنّي وافرحي يا قوافي
للنائب الأول بعد خير الأسلاف
نايف ولي العهد للعهد وافي
بالشعر أبايع وأجزل البيت والقاف
بيعة ولا بالشعر من قلب صافي
باسمي وعن كل الهواشم والأشراف
وباسم القبايل في جميع الفيافي
وباسم الحضر فالمدن من كل الأطراف
نبايعك يا سيدي ما نخافي
ولا ننقض البيعه ولا نرجع خلاف
واللي يخون العهد من جد هافي
بحكم الشريعة يقطع الراس سياف
وياخادم البيتين والرب شافي
تسلم وتبقى للوطن درع ولحاف
وبخير وبصحه ودوم متعافي
والله يجيرك من مقادير الأصداف
نايف عضيدك ما يشيل الخفافي
ضاري على حمل الثقايل بالأكتاف
انشهد انه فالمهمة سنافي
وانشهد انه يحتمي كل ميقاف
حصن الوطن عن كل فكر انحرافي
ودرع الوطن رمز العداله والإنصاف
ولي عهد الدار والخير ضافي
خير الوطن للشعب من كل الأطياف
وحب الوطن لا ما عليه اختلافي
ودايم نخيب بالولا شين الأوصاف
اللي يروج للعسل بالذعافي
ما يدري ان الشعب واعي للأهداف
نقطع يمينه بالسيوف الرهافي
ونخلي اللي مثله يذل ويخاف
ونعلمه ان الولا ما يشافي
لكن ولانا فالمواقيف ينشاف
يا سيدي طلعت ما كان خافي
بصدور كل الشعب من دون حلاف
وأجدد البيعه بشعري وقافي
باسم الجوادا والهواشم والأشراف
محمد حسين الشريف- الطائف