ذنب النوايا

ياملاذي ي احتوائي ياهروبي=من نوايا الذنب لي ذنب النوايا
ي ارتعاشات الهوى في برد ثوبي=ياغطا اشواقٍ تجلّت لك عرايا
ما أتوبك ذنب وانتي لاتتوبي=دام نظرات الأمل كل الخطايا
ياسلام الله على الوجه الجذوبي=ومبسمٍ توّج حلاياه بحلايا
لومسحت خدوده العذرا عثوابي=عاد كفّي منه يتقاطر خلايا
وان بغيت آموت يالصدر الرحوبي=مالقيت اشرف من لحود الحنايا
جاتك اشلائي من نهاية حروبي=لاتزيديني على اطرافي شظايا
ماتركت ايدي في عتمة جنوبي=جيت باسطها ترانيم وحكايا
ياجمالٍ فيه تحلالي ذنوبي=مير من يرقى تفارقه الدنايا
خايف من الشامتين اليا حكوابي=وخايف احصد من بساتينك رزايا
كل ماذكراك هبّتها هبوبي=للخيال الخصب تحظنه التحايا
فدوة عيونٍ بليله فكّروابي=لي طلب وابغى من كفوفك عطايا
ل اشرقت شمسي على الافاق ذوبي=وانثري عطفك على كل الزوايا
وان لمحتي في المدى لحظة غروبي=اشرقي لي من تباريح المرايا
والله اني من لمحتك في دروبي=قلبي وعقلي تسابق لك هدايا
لوحصل مني خلل يابنت دوبي=اصبري والله ل اسوي لك سوايا
واقبليني في مزاياي وعيوبي=كل عيبٍ يدمحه عشْرة مزايا
لاتجرّيني بعد ما عزّروابي=مثل ماجر السلاطين الرعايا
رمشك لحاله كما الحد الجنوبي=راحت العالم على اطرافه ضحايا