صوت وصدى

عسى ماخلاف..ياعذب القوافي
بجاه..اللٌي عليم.. بالخوافي
ترافقك السلامه يالحميدي
وترجع..وانت طيٌب ومتعافي
ولا..يابوحمد..وصٌل سلامي
تحياتي..وشكري..واعترافي
جميع البيض..ترفع للقريني
على روس الرواسي والشعافي
خويك..مايبي..منٌي شهاده
اعرفك..ماتخاوي..غير وافي
خصيم القوم..لاجات الحقايق
بيوتك..كنها..حد الرهافي
تبين نجوم..ونجوم ٍ.تغيبي
لكنٌ..الجدي..بالظلماء يشافي
لميعه..تقتدي..فيه الطراقي
لياتاهت..بهم..جرد الفيافي
مدامك نجم..مثلك نقتدي به
عسانا..نشهدك والجو صافي
الحميدي الحربي:
بمن صوته..سرى..من نجد لافي
وطاف..جبال..وبحور..ومرافي
يهني بالسلامه..ويتطمٌن
بقاف ٍ شاش..لمجاراه قافي
صدح(بالمانيا)..صوت الحميا
وطبت..وزال مابي..من خلافي
هلا..من كل قلبي..باخو قلبي
حزامي..لاقصر..ظل العوافي
سلامك..ياولد..عمي وذخري
وصل للوافي..اللٌي..مايفافي
قرينيٍ ..بعيد الجد..عنٌي
ولكنٌه..قريب ٍ بالتصافي
جمعنا الشعر..وسلوم الصداقه
سوى..بالحلو..والمر الزعافي
واختٌم..ردٌي القاصر بعذري
وعند مساعد..لعذري ملافي