هم قادة الإسلام

الشعر في ميدان الامداح صغناه
وفي مدح أبو متعب تطيع القوافي
النادر اللي ذروة المجد مجناه
واف الشبور وفي الملازيم وافي
أليا شهر يغني من الخير مدلاه
ومنه الفرج في كل يومِ يشافي
هو طيرنا اللي هدته ترهب أعداه
كل الجوارح من مطيرة تخافي
أليا غضب بانت مضاريب يمناه
يسقي اكبود القوم سمِ زعافي
مابه على من دار داره مداراه
أليا قيل عبدالله تخلا اعيافي
من دور ابو تركي وما حاز بحماه
اللي حماها بالسيوف الرهافي
ألي اليوم وحدود الجزيرة امخلاه
ما بين بحرين الجزيرة اخلافي
نفخر وحق لنا الفخر نشهر اعلاه
ومن لا شكر فضل اهل الفضل جافي
مولاي عمت جملة الحضر حسناه
والبدو يسمن مالهم بالجفافي
كلن يبادلك الرضاء في محياه
الوجه يضحك وأوسط الجوف صافي
والشعب كله صادقات نواياه
يغلي ملوكه من خفي الخوافي
أملوكنا للشعب غيث نثر ماه
وتخاشروا فيه القوي والضعافي
وعدل شمل شعبه من ادناه لقصاه
على جميع الشعب والضيف ضافي
والجار ما يوم شكى منك مجفاه
بك عن خمال الجار الادني تجافي
أملوكنا عن جور الأيام ملجاه
هم للعرب عن فتق الأيام رافي
هم قادة الإسلام هم ساس مبناه
في كل يوم الهم مودع ولافي
واختم كلامي باأخره مثل مبدآه
وفي مدح ابو متعب مشى طوع قافي