(الشعر)

الشعر صدق اشعور واحساس والهام
تسرج بنات الفكر خيل المعاني
والبوح نزْف جروح واحزان والام
والصمت مثل الجمر وسْط المحاني
شاعر وصادقت المحابر والاقلام
واوجاعي اكبر من بحور ومواني
رسمت حلمي باجمل احساس رسّام
واسمى الاماني في حياتي(اماني)
صوّرت لي ذكرى قديمه لها اعوام
معها خيال الامس مرّ وخذاني
سكة حنين وعالم امال واحلام
نسيتها مثل الزمن مانساني
حبٍ موادع للاسف راااح مادام
والعمر طاف .. ومابقى حب ثاني
طارت عصافير الوله عشق واهيام
ضايق وكن القيظ كفه طواني
ياسايق الذكرى على مرّ الايام
لاواخسارة مات باقي حناني
من عام تسعه والغلا كلّه اوهام
تايه ولا ادري وين حظي رماني
مهما مشيت الدرب واتعبت الاقدام
الوقت يمضي ماتغيّر مكاني
كنت اعتقد ان الامل صار قدام
مع الاسف ضيّق عليّه زماني