محاورة تويترية

جمعت محاورة تويترية الشاعرين الجميلين : محمد عيضة و عبدالله سعيد ندعوكم لمشاركتنا الاستمتاع بها..
البدع: محمد عيضة
سلام سيل نقل من راس عليب نقول
والخبت ماوقفه حتى وصل غايته..!
يطول عمرك وانا عندي كلام يطول
ودي بك انك سمعته من سنة فايته..!
الرد: عبدالله سعيد
يامرحبا يامسلم والرضا والقبول
لاشاف شرواك يرفع بالوفا رايته.!
قلبي تسمع وقول اللي بودك تقول
وال..... والعطر جيدها من الفايته
البدع:محمد عيضة
اللي تقاسمت فقره في سنين الذبول
آموت...شكواي ماراحت ولاجايته
لو يستحي مالرسول وآل بيت الرسول
مااعرض عليهم بقايا اللقمة البايته..ّ
الرد:عبدالله سعيد
سمحان يبرك ويشتال القتب والحمول
هات التفاصيل والمجهول وحكايته
وان ماعطينا خذينا وان خذينا الحلول
يانسكن الدار والا الدرب ونهايته
البدع:محمد عيضة
وش فيك عجلان ياشاعر قتله النحول
بعد يجيك النبي يعرض عليك آيته
جيتك على شان اقول ايام حلف الفضول
اللي يبيع العرب ياكثر شرايته
الرد :عبدالله سعيد
صدري حجازي وراسي ماضري بالخمول
وابليس شايل قراطيسة بقضّايته
تو الحروف ارجهنت واستوت في الحقول
والبرد ذب العرب فروه ودفايته
البدع:محمد عيضة
الدبلماسي يصير احيان راعي الاصول
واحيان يعطيك بين الناس تكايته
انجيت تنقد عليه الناس تاقف ذهول
وان جيت تسكت ضحك...واضحكت بكايته
الرد:عبدالله سعيد
لاصار وقت المصافق والدبك والخيول
تطيح كل الوجوه السرق الهايته
خلك من اهل الردى ومطبلين الطبول
واللي تسول فلاش الرخص ودعايته
البدع:محمد عيضة
حدة بديهة عمر ...قد وهقت بن سلول
والا النبي مافضح فتنته ووشايته
يافاهم السالفة...لاتحرق السيف مول
والعسكري مامعه جالون...في وايته..!
الرد:عبدالله سعيد
لو فالبلد خل مايكذب وعنقا وغول
سريت في ليل مايشفق لسرايته
مير الهنود الحمر والبربرة والمغول
وش ماخذه من كتب داوود وقرايته..!