صيرفيات .. يوم للضحك

قالوا يوم واحد جعلوه للضحك يا قوم
ترى الضحك مفيد فيه تجديد وعلوم
قلت هيا بكره تكون السهرة بلا نوم
نضحك ونفكك شوية من دي الهموم
يا ترى الضحكة في البيت أو البشكة!!
اي ضحكة وفلسطين في الف معركة
اضحك والقدس اسير واحتجاج بركة
امور تغم الصدور واهاتنا مشتركة
جلست اسأل عن شي اسهل يعنيني
لقيت نفسي اهاتي وحسي مجانيني
اضحك والف صورة منظورة تجيني
كذا مواقف مؤلمة توهقني وتعنيني
والمثل انسان في توهان ما عنده احساس
اهله واولاده تعبوا ينادوا ويوسطوا الناس
ما بين وقت ووقت حمل وولادة ونفاس
فين عنهم هو بره وجوه بس مع الجلاس
لا مصروف او قلب عطوف عنهم غائب
اولاده مشتتين مشردين في كل جانب
زوجاته اللي فاتوا وماتوا واللي بتطالب
عايش لاهوائه واجوائه وكل يوم خاطب
قلت يوم امزح وافرح وامرح وانسى
ولقيت منظر صعب يذكرو لا بهمسه
تشابك اثنين اصدقاء في دين نكسه
والكفيل دمه ثقيل وقاضي وجلسه
والجار طبله وطار ليل على نهار قلق
لا فكر ولا احترام لناس نيام تنفلق
اولاده تشويه وأذية مع البلدية تنطلق
الكل يقول مو معقول كده اذية الخلق
وشفه عجوز حيله مهزوز وحركات طيش
جدنا عاشق ولا افعال مراهق لا معلش
احترم سنك واللي منك واشكر وعيش
والحقود الحسود وعلى فمه دائما ليش
الكذاب الخاين والزوجة عاشقة النكد
الوظائف وفراغ شبابنا اللي مالي البلد
والاجانب بلا اقامة منتشرين بلا عدد
البنوك وجبروتها حسم وفوائد مدد
قال يوم للضحك اعطونا ايام نبكي
شر البلية ما يضحك يا نفس اضحكي
وان ضحك سني حياء مني واشكي
ان ضحك قلبي من المصايب والحكي