موجز معاناتي

يا منطق الشعر، ياموجز معاناتي
ماملت إذنك من أحزاني وآهاتي
حاجات واجد أحاول إني اذكرها
واذكر نهاياتي ولا أذكر بداياتي
الضحكة اللي قبل عامين موجودة
هي آخر اللي ذكرته من محطاتي
فقدت واجد قبل لا ترحل الضحكة
وفقدتها بعد ما ماتت طموحاتي
اسمع بكلمة حزين وكنت ما أصدق
واليوم صارت قناعه من قناعاتي
حزين لكن ماهي بنهاية الدنيا
عارف وواثق بان الأجمل الآتي
اسمي على أذهان خلق الله ثبته
باني صديقً تشرفني صداقاتي
اصحابي اصدق عباد الله واوفاهم
نعماً بصدقي ونعماً باختياراتي