مدرسة بن سيرين الابتدائية ببريدة تبدع في يومها المفتوح..( يوجد صور)-

نجحت مدرسة محمد بن سيرين الابتدائية بحي الضاحي بمدينة بريدة في وضع نهاية ممتعة للفصل الدراسي الأول بعد أن وفقت إدارة المدرسة في وضع برنامج اليوم المفتوح والذي احتوى على العديد من الفقرات التربوية الرائعة وكذلك الرياضية كما تم طبخ وجبة الغداء داخل المدرسة بعد ذبح (الخروفين) وسط سعادة الطلاب والمعلمين
وقد جاءت فقرات الحفل على النحو التالي :
1- حفل خطابي وتعريف في اليوم المفتوح
2- تناول طعام الافطار بمشاركة الطلاب والمعلمين
3- مبارة بين المعلمين والطلاب
4- مسابقات ثقافية ورياضية
5- توزيع الجوائز
6- تناول طعام الغداء 0
وقد تم التنسيق بين المعلمين والاستاذ / احمد اللهيب ورائد النشاط الاستاذ/ سليمان الخطيب بتوجيه من مدير المدرسة / الاستاذ محمد السلامة وذلك لإخراج الحفل على اكمل وجه0
سؤال لمن لديه الإجابة
مديرها السابق \" محمد عبد العزيز الخفاجي \" أين هو الآن ؟؟؟
نعم الرجل عرفته ،، ونعم المربي ،،، وفقه ربي لكل خير وأسعده في الدنيا والآخره
مهما تكلمت فلن أوفيه حقه ،،،
ومن يعرفه ينقل له سلامي وتقديري وإحترامي ،،،
في عام 1423 قمت بالتطبيق في مدرسته ،،، وفقه الباري
ماشاء الله تبارك الله
الصراحة الأيام المفتوحة أول قرار تنجح الوزارة في اتخاذه .
وفق الله المدير ومعلميه على هذا النجاح للحفل .
وجعله في ميزان حسناتهم .
والله هذا هو الصح ليكون مجتمع المدرسة واحد
نشكر مدير المدرسة وزملاءه القائمين على هذا الحفل . تفاعل طيب بالهني والعافية
الله والله وناسه وفلة حجااااااااااج ... ههههههههههههههههه والله مشكله يا التعليم تتعبون كثيييييييير الله يعينكم ..... لا وبعد يبي يجيكم فروقات وتحسينات وفللللللللللللللللللللللللله ... اللهم لا حسد والله يهنيكم ......... خخخخخخخخخخخ المدام مدرسه وننتظر الفرج القريب بس والله اني ادري ان يا ليييييييييييييل مطولك
بصراحه اقول مشكورين عموما لمحاوله اضفاء البسمه على شفاه هولاء المساكين من الطلبه
لانه شيء يحز في النفس ان ترى مدرسه بهذا الشكل؟
بالله وين حنا فيه؟
دقق عشان تعرف ليش الطالب يتخرج يلعن اليوم الي درس فيه
ياخي والله حرام الي جالس يصير بالتربيه والتعليم
يعني حتى المدرسين للاسف وضعهم مزري واشكال غريبه عجيبه باللبس وطريقه التعامل مع اليوم المفتوح , عجلين على الفلوس والاكل
لكم الله يا طلبه بلادي بس
شكرا لك من ساهم في نشر نشاطنا داخل المدرسة شكرا لصحيفة عاجل شكرا لمدير المدرسة محمد السلامة شكرا لوكيل المدرسة سالم المرداسي شكرا لأبو عبدالكريم شكرا لأبوعلي اللهيب شكرا لجميع الزملاء ..... أخوكم أبو عمر النغيمشي
شيء جميل وتشكر المدرسة على ذلك
لكن لماذا لا يرتدي المعلمون زيّا رياضيا ؟
وشكرا
أهنيء نفسي كرجل من رجال التربية والتعليم بهذا الحفل لزملائنا في مدرسة ابن سيرين رحمه الله. ومع أنني لاأعرف أياً منهم ولكن من الصور واضح المجهود والعمل الجبار . وأوصيهم ونفسي بتقوى الله عز وجل والاخلاص في القول والعمل وتربيةأبناء المسلمين تربية صحيحة ودلهم على طريق الخير وابعادهم عن طريق الشر ومزالق الشيطان.
والله انكم طحاطيح
ليتكم شفتم مدرستنا بس وقع المدرسين في دفتر الدوام ولاعد شفناهم
مشكورين وبارك الله فيكم وجعل ذلك في ميزان حسناتكم وحعل الله ايامكم افراح كما افرحنم ابناءنا.........................
هذي مدرستنا الي تخرجنا منها..
العوص الله يبارك في جهودك..
والله يرحم الشيخ اليحى...
والله يذكر الرشودي بالخير...
والي تسأل عن علي بن عبدالعزيلز الخفاجي...هو على ماااعتقد وكيل في احد المدارس....يااهو عجيب الرجل رجل عملي...
صار مناسبة زواج ماهو يوم مفتوح
كل الشكر والتقدير لتلك المدرسة المتميزة والتي عودة أبنائنا كل عام على المفاجئات الرائعة والجديدة و المفيدة وهي بحق مدرسه متميزة بمديرها ومعلميها .
والشكر لكم أنتم صحيفة عاجل حيث عودتمونا دائماً على إظهار مثل هذه الانشطة المتميزة لمدارس المنطقة .
و ياليت كل المدارس تحذو حذوها.
والنعم بولد العم ابو يزيد (عبد الله البرادي) دايم نشمي
والمدير الفاضل ابو صالح زميل ثانوية اليرموك
ودام ابو راشد واللهيب موجودين ليش ماعزموا ابو عهود والحسيكا وشلة خضيراء
طبعا ابو سمير خارج القائمة
ابوراشد الريبه والله من القدم
وبعدين منهو الي لابس انقل برجله والله من البخل
ياجماعة الخير اذا كان موتره مهب ديزل ذبيحة من
يا جماعة الخير وش المدارس هذه معقولة هذه المدارس في أغنى دولة في العالم
عيب والله عيب
هذي مدرستنا الي تخرجنا منها..
العوص الله يبارك في جهودك..
والله يرحم الشيخ اليحى...
والله يذكر الرشودي بالخير...
---------------
`ذكرتني أيام الأبتدائي والله خصوصاً الرشودي أمس كنا نتكلم فية..
أما العوض ونعم الرجل الله يطول بعمره
ويرحم الشيخ اليحيا ويحلله عساه بألف حل رجل ونعم الرجل والله..
أما اشكال المدرسين والله تحزن ليش مايرتقون شوي والله كأنهم فلاحين والله لو ينزلون قرار بتوحيد لباس المدرسين بيكون ثاني انجح قرار بعد اليوم المفتوح ..
هذي مدرسة والا استراحة
جهود تشكرون عليها بس المعلم اللي ماسك بيده جوال بكاميرا ما يدري انه ممنوووووووووووع
بس أشكال المدرسين ترحم والله
وش هذا اللباس الرياضي الحلو
مافيه واحد تصدق عليهم ببدلات رياضية
الطلاب أحسن منهم ياحبيبي هذا يوم مفتوح ونشاط ليش تجي بثوبك وسروال السنة
لكن سروال السنة تحت الثوب شي
ابو راشد الرقيبه (الله يعطيك العافيه )تحياتي وتقديري لك يا مدرسنا
في ثانويه الامير عبدالاله
ونعم المعلم
بس وش تحتري ما تقاعدت وحنا طلابك عام 1412ه وباقي كم سنه ونتقاعد
الله يعطيكم العافيه يامدرسين وطلاب مدرسة بن سيرين
مين على احسابه
شكرا لك من ساهم في نشر نشاطنا داخل المدرسة شكرا لصحيفة عاجل شكرا لمدير المدرسة محمد السلامة شكرا لوكيل المدرسة سالم المرداسي شكرا لأبو عبدالكريم شكرا لأبوعلي اللهيب شكرا لجميع الزملاء ..... أخوكم أبو عمر المقرن
ههههههههههههههههههه
والله فريق المدرسة ذكرني بميلان ..........ياعيني على الجمال والاناقة
فضحححححححححححححححححححححححتونا الله يفشلكم
والله اني منسدح من الضحك على فريق المعلمين
والثاني متصور مع الذبيحة قلك نشاط ؟؟؟؟؟؟؟؟؟؟؟؟؟
والظاهر ان ابو ثوب الى في الفريق يلعب شوي ويطلع يشوف القدر
عموما الله يوفقكم .....................................
السلام عليكم ورحمة الل وبركاته
لقد اسعدني مارأيت من نشاط وتفاني في مدرسة قد انعم الله عليها بقائد تربوي
ناجح ومعلمين متفانين مخلصين
فهنيئاً للمدرسة مديرها الأستاذ /محمد بن صالح السلامة
ورائد النشاط الأستاذ / سليمان عبد الكريم الخطيب
وللمعلمين حقهم من الشكر والثناء
حلو جداااا
وبالذات الصورة التذكارية مع الذبيحة قبل لاتتقطع
(واحد مشخص بجنبه) حسيت انه مدير المدرسة
ثم اهم اهم اهم ما بالموضوع السطر الاخير
لانه يا اخوان التنسيق مهم جدا جدا جدا ،،،والاهم التوجيهات العليا
يعني بالله عليكم تخيلو لو المعلمين مانسقو مع الاستاذ احمد اللهيب،،ورائد النشاط الاستاذ سليمان الخطيب ،،،وكملو التخيل معي لو الوجيهات ماصدرت من معالي مدير المدرسة الاستاذ محمد السلامة
تتوقعون بينجح الحفل ؟؟!!
طبيعي لا
(يابلااادي واصلي ))
ماشاء الله عليكم
ذبايح ودلال وعلوم رجال الله يهنيكم
بس رائد النشاط مااشوف إلا جهوده
تحية عطرة لهؤلاء المربين سيروا إلى الأمام
فعين الله ترعاكم ولا تلتفتوا للمخذلين
فأنتم ورثة الانبياء
نشكر كل من ساهم في هذا العمل :مدير ورائد نشاط متميز ومعلمين أكفاء
لكن هذا قدركم مدرسة متهالكة أكل عليها الزمن وشرب
يازين مدرستنا من اول ولا الحين جو مدرسين يجبون القرف