مجمع المحاكم في الكويت يشهد عقد قران «فتاتين»

في سابقة تشهدها الكويت وافق قاضي التوثيقات الشرعية في مجمع المحاكم على تزويج «عروستين» أمس.
بداية فوجئ القاضي بوقوف فتاتين أمامه تطلبان الزواج عندما أجابته إحداهما عن سؤاله «أين المعرس»؟ لترد «أنا هو» وازداد سعادة القاضي تعجباً وسيطر عليه الذهول بعدما طلب إلى الفتاة اثبات هويتها ليجد من تقف أمامه رجلا في الأوراق الثبوتية وامرأة على الطبيعة.
ليس وحده من تملكه الوجوم والذهول معاً، إذ سيطر الذهول أيضاً على كل من تواجد في قاعة المحكمة، خصوصا بعدما كانت الفتاتان اللتان تنويان الزواج قد لفتتا أنظار كل من لمحهما في مجمع المحاكم بسبب تبرجهما!
القاضي، ووفق القانون، طلب إلى «المعرس» أن يحضر الشهود وازدادت مفاجأته عندما قال «المعرس» بصوت ناعم: والدي خارج القاعة وهو بانتظار الدخول ليوقع على زواجي كشاهد!
بين التصديق وعدمه طلب القاضي إلى «المعرس» الذي يتحدث بصوت فتاة وملامحه الأنثوية طاغية بتضاريسها، طلب إليه أن يحضر والده فوراً، وامتثل «المعرس» لأمر القاضي، وما هي إلا لحظات حتى عاد أدراجه إلى قاعة المحكمة يرافقه والده ليثبت للقاضي بأنه والد من ينوي الزواج من الفتاة العراقية الجنسية الموجودة أمامه، ومن باب التأكد، سأل القاضي الرجل الذي كان أتى به المعرس على أنه والده وسأله: أيهما ابنك؟ وما اثباتك على ذلك؟ فأشار بسبابة يده على «المعرس» وقال: هذا ولدي، وأنا موافق على زواجه من هذه الفتاة، ثم أبرز بطاقته المدنية لتتطابق مع بطاقة ابنه على أنه ذكر رغم اختلاف معالمه عن الذكورة، ووفق القانون تم الزواج وسط فرحة عمت أرجاء القاعة وسرى خبر زفاف «الفتاتين» في أروقة مجمع المحاكم مثل «التسونامي» الذي عصف بمسامع كل من حل في مجمع المحاكم.
ووفق القانون فإن «المعرس» سيحصل على أرض وقرض و4 آلاف دينار هدية حكومية بينما زوجته العراقية ستمهد الطريق أمامها للحصول على الجنسية.
سيحصل على أرض وقرض و4 آلاف دينار هدية حكومية
الله يخلف علينا يالسعوديين
رواتب طفسه
واجارات غاليه
وديون تقص الظهر
وزواج بعد الخمس وثلاثين
والديانه وراااك
وخيرات بلادك براااا
هذا المهم في الخبر لب الموضوع
(((((سيحصل على أرض وقرض و4 آلاف دينار هدية حكومية)))))
هذولا الشاميل الله ا يبلانا
بس أحسن مافي الخبر
سيحصل على أرض وقرض و4 آلاف دينار هدية حكومية
وأنا أنتظر القرض لي تسع سنوات ومدري كم باقي
نعنبوكم هذا وهو الضاريس نسائية
وشلون لو انه رجال على حق وحقيقة
ابك انا يوم اعرس الديون قصت ظهري
الديانه وراي وراي ما خلوني اسلم شهر واحد
ولي الحين 8 سنوات وانا اسدد
والكويت ارض وقرض ما يعادل الخمسين الف ريال
براااااااااافو
عندنا يجصل المتزوج على نفس الشي
هم وغم و400 الف ديون حكومية اسف ديون بنكية
4 الاف دينار وارض !!
يعني 56680 الف ريال سعودي!
والله اعانه جدا جيده من الحكومه للمقبلين على الزواج
ياليت نشوف هالاعانات عندنا بيوم من الايام
وبالنسبه للمعرس لاتستغرب ظاهره الرجال اشباه النساء منتشره
بشكل كبير بالكويت ومن زمان
هنا فيه اشناب يوقف عليه الطير مو لقي عشه تضمة مع اعياله
وهناك اشباه الرجال قروض 4000 دينار ما يعادل 70000 ريال سعودي كهديه
مو اترجعها اقساااااااااط وارض
الله يخلف علينا ---------
المفروض كل واحد له حق البترول اللي كل يوم مليارات الدولارات
الله لنا والله الله لنا
حنا عندنا بنك التسليف وتاخذ حولي سنه حتى تاخذ القرض وذلك بعد تعب وبحث عن كفيل ...........الخ وتسدد واذا تاخرت ياويلك
الله يوفق العريس ويجمع بينهم بخير
حبيت المشاركه لانه انا لي سنه عاجز عن تكليف الزواج وجوالي دايم ع الحاسبه اجمع واطرح هههههههههه
دعولي بالتوفيق
والله قهر انا امقدم على الصندوق عام 1416 والى الحين ماطلع الاسم وهذا قرض وارض عاد الله واكبر اذاطلع اسمي منين لي ارض و300 الف يقاله تبي تكفي العمار انشاء الله اننا بالجنه من هالمعاناة اللي حنا به خساير اسهم وقروض وعيشه صعبه واجارات غاليه ووووووووووووووو الى اخره الله يخلف بس الميزانيه ترليون تعرفون وشلون ترليون يعني لو يعطون كل الشعب على بيت وسياره ويدبلون الرواتب دبل لكل مواطن كان ماضره الترليون هذا المعلن فقط ياناس بثمان شهور بيع السعوديه للبترول 220 مليار ريال غير رسوم البلديات حقات اللوحات بس وغير رسوم الجوازات والمرور ووووووووووووووووووووووو الى اخره وش فيها لو زودو القرض العقاري الى 600 الف هو بلاش ياخذون كل شهر من الراتب 1000 ريال يعني قروشهم تبي ترجع لهم استقطاع من الراتب كان كل يعمر او يلقى بيت جاهزه ويشريه ويرتاح يموت وهو مرتاح امن بيت لعياله هذي من الظروريات للحيات ياناس ولا قدرنا انئمنه ياناس بنك التسليف اذاقدمت عليه تجلس 9 شهور ماعطوك القرض وهو سلف يعني تبي اترجعه ومع ذلك مايجيك الا بشق الانفس وراه الفلوس العشره مليار موجوده عندهم خلاص اذا كملت اوراق المتقدم بنفس اليوم يعطى شيك ويقاله رح اصرفه والله ان عندي كلام كثير ودي اقوله بس اجعنن اصابعي من الكتابه وايضا ممنب لاقي نتيجه بس ليت المسؤوليين يقرون ما اكتب وشكرا
ووفق القانون فإن «المعرس» سيحصل على أرض وقرض و4 آلاف دينار هدية حكومية بينما زوجته العراقية ستمهد الطريق أمامها للحصول على الجنسية.
سبحان الله 48 الف ريال ارض يتوقع قيمتها أقل شيء 100 الف قرض بدون فوائد ولا شروط تعجزية الزوجة تحصل على الجنسية تلقائياً بدون شروط ومن ضمنها الإنجاب .
كان صورتو المعرس مدام رجل علشان نتبصر فخلق الله حسن والا ترى مانصدقكم البينه هي الصوره
أرض
قرض
4.000 دينار يعني 50.000 ريال
ياسلام سلم الله يهنيك ليتني كوتي بس.
ألا ليت قومي يعلمون
جميع التعليقات السابقة .. تجاهلت (جوهر الخبر) و انشغلت بال 4000 دينار ..
بمعنى .. أن هناك مشكلة مجتمعية عظيمة .. جعلت من الأخوة المعلقين تجاهل أساس المشكلة السابقة , والتعليق حول ما يلامس حياتهم اليومية ...
كان الله بعون كل مواطن (( سعودي )) ... وارفع راسك أنت ... (سعودي) ...
صحيح أن غيرك يصرف لهم ما يعادل 55 ألف ريال سعودي مساعدة زواج , و أرض يتجاوز سعرها ال 150 ألف ريال سعودي , ومزايا أخرى (هذا في حالة الزواج فقط) ,
إلا أنك تتميز عنهم بأشياء أخرى .. ومنها .. أنك (سعودي) ... ف
ارفع راسك .. أنت (سعودي)
والله العظيم
ودي اترك السعوديه واطلع منها واروح لدوله تقدر مواطنيها
بس الي مجلسني الحرم المكي والمدني وابويه وامي والباقي ينحرق
يناس انا مريض وتعبان وتركت كليتي
وفلسان في دولة البترول والخير ورافع برقيه للملك عشان اتعالج في التخصصي
وكل يوم اتعب اكثر من اول ومستشفيات الحكومه مافيها اي تقنيه
اتحدى اذا اي مسؤل ينزل مستواه ويتعالج في مستشفيات الحكومه
انا متنازل عن حقوقي ما ابغا منح ولا ابغا قروض ولا ابغا ولا شي
ابغا اتعالج وارجع مثل اول
والله لو مت بسبب المرض الي معي
والله ما اسامح كل من قصر في حقي من رئيس دوله الى وزير صحه
باااااااااااااايخه عاجل ما طلعت ردي على الموضوع هذا
ولا رايح اكتب ردود
السلام والرحمة : انا عاوز اسال سؤال
هي الناس اللي كتبها العليقات دي مفيش حاجة في ام راسها الا الفلوس وبس
الموضوع بيتكلم عن حاجة غريبة زوعجيبة جداااااا
وازاي القاضي سمح لنفسه يزوج انثى بانثى
هل يجيز الشرع ذلك الامر
ده حرااااااااااااااااااااام
ولا حلاااااااااااااااااااال
هنا السؤال
مش نفسي اسيب وطني
ونفسي اخد مثلهم
لا اله الا الله
اللهم ان هذا جرم ابرا اليك من فعله ومن قوله ومن عمله
استغفر الله العظيم
استغفر الله العظيم
الله لا يبلينا ولا يبلي المسلمين