اعلان اسماء المقبولين مبدئيا في الاستخبارات العامة

شرعت رئاسة الاستخبارات العامة - لجنة القبول والتسجيل - عن بدء اعلان اسماء المقبولين مبدئيا لوظائفها العسكرية -أفراد- الشاغرة لهذا العام 1432ه والتي اعلنت عنها في تاريخ 4/6/1432ه وطلبت من المتقدمين سرعة الاستعلام عن الطلب وذلك من خلال الموقع الالكتروني للرئاسه https://jobs.gip.gov.sa/ والتسجيل في النظام والدخول اليه ومن ثم ادخال رقم الهويه الوطنية والرقم السري للمتقدم .
واشارت الى ان وسيلة الاتصال المعتمده هي الهاتف الجوال والبريد الالكتروني .
اصبحت أدنى رتبة في العسكريه يتقاتل عليها الناس ولا ياخذها الا من لديه واسطه
طبيعي عندما يقدم بالامس على حرس الحدود 43 الف شاب مقابل 500 وظيفة
ولو ترك التسجيل لمدة اسبوع لشاهدنا اكثر من 100 الف
وقبلها الدفاع المدني 113 الف مقايل 800 وظيفة ويضاف
وبالامس الاستخبارت لاندري كم تقدم لها
وكلهانعتذر لعدم قبلولك بالاضافة الى امن المنشات
فاصبح مع هذه الاعداد الكبيرة من الشباب ويضاف لهم سنويا
خريجين جدد من الثانوية العامه
تحتاج حتى ان تتوظف جندي لرتبة عسكريه كبيرة
يتوسط لك والسبب الاعداد الهائله المقدمين عليها حتى انك تجلس امام شاشة الكمبيوتر ساعات طويلة حتى تستطيع التسجيل بسبب الظغط على الموقع من ككثرة المتقدمين
الموهلات التاليه لاتناسب جندي!!!!!!
الشهادة ثانوية عامه
التقدير جيد جدا
القياس 70
لماذا لايتم تخفيض سنوات التقاعد وتشجيع الرؤساء رقباء على التقاعد المبكر
لكي ترتفع من تحته الرتب وتبقى جندي شاغره لمتعين جديد
الاستخبارات كلها واسطات ..
صدقوني لم يتم قبول إلا من لدية واسطه وتابعوا منتديات التوظيف لتعرفوا الحقيقه ..
حسبالله ونعم الوكيل ,,,,,,,
متى بتقبلونا ان شاءالله
لاحرس الحدود ولا المباحث زلا الاستخبارات ولاغيروغير ,,,,,,,,,,,
اه ياقلبي انصدمت
بنتحر لاتوظفت ولااعرست ولابنيت بيت ولا اسست حياتي وشييب بداى يطلع في راسي
اه اه ياقلبي المجروح
خلاص تعبت
تهي تهي تهي تهي تهي تهي
ناسف لعدم قبولك ونتمنى لك التوفيق في مجال اخر
يخرب بيتكم دبلوم حاسب سنتين وانتم طالبين ثانويه عامه
ومعاي ثانويه عامه بنسبة 82 بالميه
وعندي خبره 5 سنين في مجال الشركات بخصوص ادخال البيانات
والوزن والطول اللهم لاحسد
وش سبب الرفض مدري مع العلم ان القبول مبدئي
ياخي اقبلوني مبدئي وانصبو علي ماهي مشكله لكن كذا على بلاطه رفض
تهئ تهئ : لاحول ولا قوة إلا بالله
الحين لم يتم طلبي ليه .؟
معي شهاده الكليه التقنيه تخصص شبكات بمعدل ممتاز مع مرتبة الشرف الثانيه
ومعي شهادة لغه انجلزيه
وشهاده الثانوي بنسبه 93
ليه طيب وش السبب حرام يوم يروح تعبي وجهودي بكل بساطه
منقول إلا حسبي الله ونعم الوكيل
يناس وش الرد هذاأهلاً وسهلاً
حالة الطلب:
لم يتم قبول طلبك نتمنى لك التوفيق في مجال آخر
رقم الطلب هو:
يناس والله العظيم عندي بنتنب والثالث في الطريق من وين اصرف عليهم ابوي من كثر ماتعب علي
صرت استحي اطلبه حق الحليب والحفايظ يناس خاف الله والله العظيم تعبت من هموم الدنيا والواسطه
شفولي حل حرام عليكم لا ونتمنى لك التوفيق في مجال اخر طيب انتم ماقبلتوني الدفاع المدني ماقبلني المباحث ماقبلتني امن المنشاءة ماقبلتني الجيش وهو اخر الحلول كشاده ثانويه وماحصلت يناس والله العظيم طفشت
والله يا ناس قهررر انا مقدم لعشرين شخص ولا واحد طلع اسمه
ومع ذللك انا نسبتي 96والتحصيلي والله 73 والقدرات 82
انا مالقيت وظيفه عاطل الى حد الان
ومعتمد على واسطه بعد وماجت ..
والعسكريه خلها توزيع ارقام بس علشان يسكتون العاالم.
السلام عليكم ؛؛؛؛؛؛؛؛؛؛؛؛؛؛؛؛؛؛؛
قالو ايه قالو نتمنى لك التوفيق في مجال اخر.....................
وين بنحصل المجال الثاني وحنا كل ماقدمنا قالو (مرفوض)
الله يعين بس
انا والله نسبتي 96 وقدراتي 74 وطولي تمام ووزني تمام ولا انقبلت والله شغل الواسطات
الله يسلط عليكم من عنده
أنا اشهد ان صحيفة ( عاجل ) أفضل من صحيفة ( سبق ) بشيء كثير لسرعة اخبارهاومصداقيتهاوحرية الرأي فيها شكراً لكم ياعاجل عاجلاً غير آجل ...
الحمد للة والصلاة والسلام على نبي الهدى وعلى الة وصحبة وسلم اخواني الاعزاء واللة انها ليست الواسطة في القبول او الرفض ولكن ان اللة لم يكتب لك هذا الرزق لطف بك او سببا هو اعلم منك بة ولا تقنطو من رحمة اللة يااخي واللة الدراسة حتى لو تكمل على حسابك الخاص انة انفع من العسكرية اسئل واحد مجرب اسال اللة ان يخارجنا من العسكرية اللى تدورن عليها ياخي سوي لك عمل حر ابدا من حلقة الخظار اللي الهنود مسوين منها رجال اعمال لاكن الشباب يبي جندي راتب خمسة الاف يطلعها راعي بسطة بسوق الخظار بسبوع واحداللي تقديرة كويس يواصل تعليمة ويصبر على نفسة ويترك العسكرية
وظيفة جندي وزي وجيههم وجحه بعد وبالتالي ماحد يقبل
مساء الخير ياشباب وشلونكم عساى الله يوفكم باللي احسن من العسكريه اقول امين مع السلامه
اللهم ظولك يآروح طيب سؤال بالله عليكم وين نروح .,؟
الشركآت طفشت منهآ مآفيه شركه ألا وتوظفت فيهآ الاسوآق توظفت فيهآ ف كل مكآن توظفت بس مآ أطول فيهآ لأني
أبي وظيفه أسآسيه أسس فيهآ حياتي ( أتزوج - أبني لي بيت - أشتري لي سياره زي العالم .,)
ومافيه قطاع ماقدمت فيه بس نسبتي (86%) وعلمي ومعي دورة أدخال بيآنآت ومع ذلك مأقبلت على العمومالحكد لله على كل حآل وعسآهآ خيره وأسف على الإطاله .
السلام عليكم ورحمه الله
كالعاده لم يتم قبولك
اخي عسكري ندمان انت شكلك ما جربت العطاله ولا جربت غلاء الاسعار ولا يوم كل ماتروح مكان قالو يصير خير ومع الباب وتشوف واحد ما يدري الله وين حاطه ويحطونه مكانك !! ليش لاان مدير التوضيف من جيرانه ولا يعرفه الله يجازي من يكون السبب في عدم توضيف الشباب العاطل
السلام عليكم ورحمة الله وبركاته ..
كيف حالكم جميعا .. شباب ما تلاحظون شيء غريب مع اننا ندرس ومتخصصين في اشياء كنا نعتقد انها بتنفعنا بعدين بس ما حصلنا منها شيء ابد مثلا انا معي شهادة تقنية ميكانيكا تخصص انتاج .. بمعدل 4.28 مع مرتبة الشرف والخ .. وشركة الكهرباء بتفتح برنامج تدريب شهر ثمانية .. وطبعا انا من ضمن التخصصات المطلوبة لكن دورتها سنة الى سنتين !! طيب وشوله ندرس ونضرب مشاوير الدراسه ؟
المهم اني ندمان اني درست اصلا لو اني اخذت الابتدائي وعرفت الحساب كيف وطلعت اشتغل في في بسطات اصرف من هالدراسه اللي مال امها اي داعي وقالوا السعوده والسعوده
على العموم اسف على الاطاله بس بغيت افضفض باللي بداخلي
- مع تحياتي سعودي ما في مخابيه ريال واحد
عاشت بلادي :$
وربي ماصارت حاله بجد طفشنا قالو وظايف ياشيخ روح
لماذا كل هذا التعسف والإقصاء لشبابنا
عندما يتقدم لازم يكون لديك مؤهلات وأهمها_
لايقل الطول عن 170سم؟؟؟؟؟؟؟؟؟؟؟؟؟؟
سؤال يطرح نفسه؟
مافائدة الطول؟
إذا كان المتقدم خالي من جميع العيوب الخلقيه والعقليه مالمانع في ذلك؟
هل هو إقصاء؟
أم ماذا؟
أم هو سبب لإبعاده؟
أم اعتراض على خلق الله!!!!؟؟؟
ياأخوان إذا الله عز وجل خلقه هكذا فما هي حيلت العبد المسكين!
يامن وضع هذا الشرط التعسفي خاف الله في نفسك!