أمير الشرقية يدشن أكبر نافورة تفاعلية في العالم

يدشن الأمير محمد بن فهد بن عبدالعزيز أمير المنطقة الشرقية مساء غد الاثنين أكبر نافورة تفاعلية بمنتزه الأحساء العام بطريق الملك عبدالله الدائري في مدينة الهفوف.
وتعمل النافورة وفق نظام الكتروني والنشيد الوطني هو المشغل الصوتي الرئيسي لها , وتتحرك مع الأناشيد والأهازيج الوطنية. وعبر المهندس فهد بن محمد الجبير أمين الأحساء عن شكره لأمير المنطقة الشرقية على تدشينه لهذا المعلم الحضاري في محافظة الأحساء, وتدشين القرية التراثية, ومدينة التمور, والمركز الحضري.
وأفاد أن النافورة تتضمن شاشة عرض ليزر في وسطها بتكلفة إجمالية تبلغ عشرة ملايين ريال. وبين وكيل الأمين لشؤون الخدمات المهندس عبدالله العرفج من جانبه أن جميع الأعمال في المتنزه تسير وفق المخطط لها ، وأنه تم الانتهاء من جزء كبير من عملية زراعة المتنزه وإنارته وخطوط الصوتيات التابعة لمشروع النافورة التفاعلية , وتحديد مواقع الخدمات الخاصة بالمتنزه من ملاعب ودورات مياه , ومشروع تحلية المياه التابع للبحيرة ومسارات خطوط التغذية حيث يتم تزويدها بمياه محلاة عن طريق معدات التناضح العكسي.
يذكر أن متنزه الأحساء يقع على الطريق الدائري الجنوبي بمدينة الهفوف وتبلغ مساحة الإجمالية 500 ألف متر مربع ويضم العديد من المرافق منها النافورة التفاعلية وملاعب الأطفال ، وملعب كرة قدم وآخر لكرة السلة ، وجزيرة مائية وسط البحيرة بطول 700 متر تحتوي على مطاعم واستراحات للزوار متضمنة كافة الخدمات , بالإضافة إلى مسجد بمساحة 400 متر مربع , وجسور المشاة الداخلية لعبور البحيرة والأسوار الخارجية والشلالات المائية و6 نوافير موزعة على أنحاء المتنزه ومواقف للسيارات يتجاوز عددها 1700 موقف, كما روعي في تصميم المتنزه الخصوصية والجمال لاستيعاب اكبر عدد ممكن من الزائرين.
ويضم المتنزه مدينة التمور التي تحتوي أصناف التمور في مختلف المناطق الزراعية بالمملكة, وكذلك قرية تراثية تضم مجموعة من المباني التراثية القديمة تصور واقع الأحساء في العام 1350ه مكانياً وزمانياً.
قال وش عرفك انها كذبة قال من كبرها
العالم كفاية تفخيم لا تخوني اسدحلكم رابط بقوقل
ترا زمان كنتم تقولون لنا كذا ونصدق
قولوا عندنا اكبر فساد مالي واداري بالعالم
اكبر سرقة بالتاريخ عندنا اغلا ناقة عندنا اغلا تيس عندنا اقولك صح
اما علم نافع ولا شي نفتخر بة مافية الله يخلف
ياحبي لكم يااهل الحسا تستاهلون والله
وعقبال اكبرررررررر ناطحة سحاب بالعالم واكبر مطار واكبر سوق
اكبر نافورة تفاعلية بالعاالم ---- بالسعودية
واطول نافوره بالعالم ----- بالسعودية
وافضل ناطحات سحاب بالعاالم الفيصلية والمملكة وين ----- وبالسعودية طبعا
نفتخر باكبر وامهر انواع الكذب بالعالم ----- بالسعودية طبعا
اضحكوا على هالمساكين ياكذابين العالم
*
نحن نشتري الماء بفلوس .......والاخوان يلعبون بة ...........نافورة مين ياعم
تنعمل اكبر نافورة على قولتهم وبتكلفة قرابة العشرة ملايييييييين عطوني 100 الف وانا انفخ بهالنافورة الين اقطع .. المهم نكمل وبالنهاية تشتغل على النشيد الوطني ياناس قولو كلام غير كدة نفضل كل شوي نوقف ونؤدي التحية طيب مانقول لا لكن ..بلاد العالم يحطون سنفونيات موسيقية شي يريح الاعصاب وبعدين ليش بالاحساء ماتكون بالرياض يالله الي عنده ريال محيرو يشتري حمام ويطيرو ...
يا ناس خلو عنكم الفسق و لا تلعبون بدراهم المسلمين بحطكم هالنوافير.........
ممكن ثلاثة حبه سؤال ؟
هل هو من مال المسلمين او من متبرع ؟؟؟
لو تبرعو بلعشره الملايين للفقراء المحتاجين الذين لايملكون منزل هل ينقصهم أم يزودهم ؟؟؟
هل انتم متأكدون انها كلفة عشرة ملايين أم خمسة ملايين أم مليونيين ونصف ؟؟؟
(( حسبي الله ونعم الوكيل ))
حبيت يأخوان ان اكد لكم ان الكلام عن النافورة صحيح وانا متابع جداًًًََ لهذا المشروع مو حب في النافورة والحديقة . بس علشان عندي ارض قريبة جدا من الحديقة وانتظر يرتفع سعرها بعد افتتاح الحديقة والحمد لله قرب الفرج وهذا الكلام في ذمتي.
السلام عيلكم ورحمة الله و بركاته
عن نفسي مايهمني الموضوع
لكن الي يهمني متى شفنا امير المنطقه الشرقيه بالذات يلامس حاجات المواطنين والمقيمين
لا حس ولا خبر الا بفتتاح وصلاة العيد
اتمنى من الامير محمد ان يلتفت للمنطقه بشكل اكبر وبحرص واخلاص اكثر
لا نريد ان تظل الشرقيه بمؤخرة القطار فهي منطقه ذات موقع سياحي جميل واقتصادي عالمي
هناك مناطق عشوائيه طرق متهالكه مباني ايله لسقوط سيارات منذ العصر الحجري بتسير بالطرقات
مخالفات مروريه ومخالفات بلديه
الرجا ثم الرجا من بعد دعاء الله عز وجل ان يلتفت لها سمو الامير فهذا الوقت هو انسب وقت يتحرك به مع هذه الاحداث المتراميه الاطراف في الوطن العربي وهناك الكثير من المخربين من ينتظر ارتفاع حدة صوت المواطن المعارض ووصوله الى اعلى قمة بمستويات الغضب
اللهم اني قد بلغت اللهم فشهد
نصيحه من القلب للقلب
من تقدم الى تقدم ان شاء الله ويستاهلون اهل الاحساء الطيبين كل خير
بصراحة حبيت ارد على الاخ اللي مستخسر على الاحساء منتزة ويقول ليه ماحطوه بالرياض
انا ودي اسألك وش اللي بقى ماحطوه بالرياض ... كل شي عندكم مستخسر علينا حديقة ونافورة
ياناس ليه الحسد والغل في قلوبنا على بعض...
وفي النهاية اشكر المهندس فهد الجبير على جهودة من اجل النهوض بمحافظة الاحساء وجعلها واجهة في المنطقة الشرقية فوالله ان الاحساء كان قبل هذا الرجل شي واصبحت شي اخر ومن زارها او عاش فيها عرف صحة كلامي
اذا كانت العشرة ملايين من بيت مال المسلمين فتلك مصيبة"*** وإكانت من جمعيات خيريه فالمصيبة أعظمٌ
أتقوا الله لماذا يأمير الشرقيه ماعملت بالعشرة ملايين مستشفى او مساجد او اقرضتها لشباب عاطلين فوالله اذا صرنا نبغى قرض من بنك التسليف لدعم الشباب قالوا نعطيك 200.000وتتعهد بأن لا تتوظف في المستقبل هذا وبعد شروط تعجيزيه وما شاء الله في نافوره جتك على طبق من ذهب وان عمري 30 سنه وماتوظفت متخرج من الجامعه لابدل وظيفه ولا بدل غلاء معيشه ولابدل نقل ولابدل مرض نفسي ولابدل زواج حتى قرض الزواج مايعفى من سداده العاطل تعبنا وحنا نذوق مرارة البطاله والبطانه اه واهات" الرددها اواه لواجدت المحزونٌ اواهٌ.
هل هي من بيت مال السعوديين ؟؟
مرحبآ بآلجميع
اولا مبروك على الاحسآء , هذه المنطقه الجميله هالمنتزه وهالنافوره الرائعه
ثانيا يالي تقول وش معنى بالحسآء اقولك المنطقه الشرقيه اولى بالاهتمام من الرياض
لاننا اولا راعين الخير كله ان جا للماء فحنا نجاور الخليج وان جا للبترول فالابار عندنا وان جا للتعليم فطلاب وطالبات الشرقيه والاحساء تحديدا اكر تفوق من غيرهم من المناطق فهم اولى بالخير
انتو ماعندكم ولا مورد وكل العمران والتطور لكم يعني ليه الحسد خلاص جا دور غيرك
ثالثا كيف لمواطن من هالبلد يكره خير لابناء وطنه هل هي عصبيه او حسد
رابعآ انت مانت بعلم من المسؤلين .. كل بلاد العالم تطور في بلدانها وتدعم السياحه
واجب الدوله ترفه مواطنينها وتوفر لهم منتزهات وحدايق
خامسا اشوف انشأو لكم منتزه الوطن بالرياض وش ككبره وحطو بحيره مائيه ماحد فيكم قال مال دوله او جمعيات خيريه
خامسا الحسا تعتبر بوابه للسعوديه لاهل الخليج من قطر والكويت والامارات
ودايم بالاجازات والويكند ينزلون فيها سواء للتسسوق او للتنزه وهالشي بيرجع على اقتصاد الدوله
ومن حق الاحساء تشوف نفسها وتطور في اراضيها من حق اهلها يلقون مكان يتمشون فيه
وبس اتمنى مايكون كلامكم هذا نابع عن حسد او فلسفه زايده ولقافه مثل اكثر ربعنا
باركو لهم وتذكرو شي قول نبينا محمد صلى الله عليه وسلم (( حب لأخيك ماتحب لنفسك )