يافاتنه

في غيبتك ما صفا بال ،، مات الزهر والورد يشكي ذبوله
تبدّلت ياغايتي كل الاحوال ،، والغيث شح بمآه وابطى هطوله
والبسمه اللي ترتسم بين الاطفال ،، تبدلت فيها معاني الطفوله
حتى النجوم العاليه حالها حال ،، ماعاد تلمع في سماء كل دوله
دام القمر ماهو يتباهى ويختال ،، وش خانه العاشق وشعره وقوله
واهل الطرب غنّوا مع كل موّال ،، وين الملاك الطاهر اللي تقوله
ياليت دمعي ما تحدّر وما سآل ،، اذا حضر طاري الملاك الخجوله
حفظت بعد مفارقك شعر الاطلال ،، وجهلت شعر الحرب واهل البطوله
كنت اذكرك لامرني غيم همّال ،، والمح طيوفك لآ تعدّت عجوله
واذكر وصوفك كل ماشفت سلسال ،، واتخيل اوصافه وماقدر اطوله
ياليتني مشفتك بحلم رحآل ،، اقدر اعيشه ف الحيآه بسهوله
واستنشق انفاس الزهر واطوي الشال ،، حوله عشان يكون ف احسن فصوله
واقدمك لي بالهداوه والامهال ،، واحرص عليك من الهوا يالجفوله
وادراك من نقّاله القيل والقال ،، واتابعك في كل صوله وجوله
وتعيش جوٍ ماطرى لك على البال ،، لكنّ في واقعك مانته بحوله
في غيبتك هذي حلومي ومازال ،، شفّي وصول الزين لحظه وصوله