قصيدة “بوح الحقيقة” للشاعر “محمودآل مخلص”

ياهاجس الشعر والدنيا قصيرة شَبر
‏بوجيه لاجواد بيّنةٍ علاماتها
•••••
‏جيش المواثيق من صحراء الملامة عَبر
‏والنفس ترخص لما كثرت ملاماتها
•••••
‏واللي لبس بشت صوف وغترته من وبر
‏ليته يعرف النفوس وبعض خاماتها
•••••
‏في منهجه يعشق اهل المال واهل الكبر
‏لو تنحني في طريق الشر هاماتها
•••••
‏اهديت بوح الحقيقة من حديثي خبر
‏وانا الحقيقة كسب شعري محاماتها
•••••
‏اكتب ولي راي وآردد يازين الصبر
‏وعيون الاقدار ياكبر اهتماماتها
•••••
‏غير العطا باب وصدوف الليالي عبر
‏وبعض العطايا عسى نكسب سلاماتها
•••••
‏واللي يسولف عن الماضي وهو ماكبر
‏عساه يدري عن القوم ومقاماتها
•••••
‏والكلمة اللي لها وجهين وخزة إبر
‏تُدمي شفاة التواضع وأبتساماتها
•••••
‏مالي ومال الكسور اللي تعاف الجبر
‏ حتى لو ادفع من اوجاعي غراماتها
•••••
‏صدر المكارم لموجعة المواقف قبر
‏والناس نشكي جهلها وإنقساماتها
..

‏محمود ال مخلص